每逢到日本新年,小編必去掃福袋,2017快到,就等小編同大家分享搶購福袋的經驗,俾大家參考參考! 首先所謂既福袋大部份你係唔知裡面有d乜野的,但亦有些商店會講明有幾多樣野,係乜野,不過顏色唔同咁,有得睇你就清楚好多!同埋如果衫類有分size就好d,否則分分鐘買左唔岩款唔岩著的就要送俾別人了。 福袋之所以咁吸引係因為貨品的價值比福袋的價錢多幾倍,以一個10000yen的福袋為例,福袋內的物品可以去到5-60000yen的價值不等,有時只要中一兩件便可以歸本,所以呢d驚喜係好吸引人的貪念^^ 好似呢件要成100000yen既毛毛褸竟然係果10000yen既福袋裡面,開心到我飛起! 福袋的種類多,包括衫褲鞋襪、手袋、飾物、電子用品、雜貨、食品… 真係好易令人喪失理性… 除左有些可以網上預訂外,大部份都要到現場排隊勒,因為日本人本身都會搶,所以競爭很大… 因為咁樣,大家要留意以下幾項: 1.留意各大百貨公司、商場等地公開發售福袋的日期和時間。 可參考以下連結為2017搶購地點: happy bag 2017 2.鎖定目標,因為某些百貨公司會根據你想買的貨品品牌或種類分流排隊,排錯隊就唔好勒!至於要預幾早去排就因各人需要勒!有心儀必買item就早幾個鐘去排都無辦法勒! 3. 理性購買,其實去到現場,因為太熱鬧,d sales又好熱心大叫,你會俾好多你原先無稔住買既品牌都吸引住,一個心急就把持不住,就會買多左好多唔等洗既野,大家小心小心! 4.預備大型購物袋或行李喼,有些福袋好精緻美觀,但如果你一次過買幾個,拎住都幾夠重,可以買左後分拆細件,放入喼就推住都輕鬆d! 5. 選擇一些地點接近住宿地方或可寄存的locker,最好集中有齊你想買的福袋品牌的地點,咁樣就方便就腳d! 以下小編會公開歷年部份買既福袋,有興趣的就稔稔今年掃唔掃勒! 狗仔福袋 pet paradise 呢度夾埋兩個福袋,好靚衫裙和玩具(右上粉紅色除外) Sanrio行李箱連精品,靚到不得了! Swimmer ,好平 3000yen連椅子雜物幾十樣野 點擊圖片放大 1000yen襪福袋 大曬冷 睇下邊隻牌子岩心水 點擊圖片放大 +10 睇完係米好心動?心動不如行動,去轉日本掃貨啦!記住1/1,,2/1開始賣福袋, 2/1開始好多big sale… 想了解多些日本最新和旅遊資訊,可參考以下連結: https://www.facebook.com/happysharejp/ https://blog.ulifestyle.com.hk/blogger/happysharejp/ http://happysharejp.pixnet.net/blog 聯絡電郵: happysharejp@gmail.com