回想以前,網絡世界未係咁瘋狂的年代,手機的主要功用真係用來講電話的。隨著社交網絡的普遍,手機用來講電話的時間其實唔多,反而上facebook, whatsapp,line,instagram.wechat等等既時間大大提高。 旅行時大家都忙著手機食先,有時我都覺得變左係一個包袱,因為要忙著第一時間分享吃買玩既野,拍照拍video,直播等等,反而忽略了享受既過程。 自從做了blogger,為左分享更多資訊給粉絲,旅程真係好忙碌呀!有時我都好懷疑自己到底有無好好享受旅程?! 所以當我有一刻決定靜下來悠閒地享受時,不拍照不用放上facebook...心情真係好輕鬆! 當玩樂變身工作,或多或少都會打個折扣,但我……還是喜愛這樣,我就是這樣的一個人,忙碌些也想將歡樂帶給身邊既人,睇住佢地因為你post既食物相流口水既時候(好殘忍),去瘋狂購物時想象朋友們雙眼發光的模樣(好變態),我也覺得好值得!因為可以為佢地係枯燥煩擾的生活上、工作上帶來少少的甜,又何樂而不為呢! 不過,最後我都認同凡事點到即止不過火,不太沉迷,還是最好不過。偶然抬起頭,和朋友面對面傾過計,不做低頭族,對你來說,又是不是一件難事呢?^^ 想了解多些日本最新和旅遊資訊,可參考以下連結: http://happysharejp.hk https://www.facebook.com/happysharejp/ https://blog.ulifestyle.com.hk/blogger/happysharejp/ http://happysharejp.pixnet.net/blog 聯絡電郵: happysharejp@gmail.com