對於第一次去日本或經常去日本既朋友們,係日本旅遊時要留意當地的潛規則,否則便有可能做左一些失禮尷尬的事,那就唔好啦! 1. 最經常發生的就是在公眾地方使用手提電話的問題。黎到日本,你會發現日本人在公眾地方如電車上、餐廳裡都會把手提電話『較』到靜音模式。相對於在香港,大部份人都沒有這個習慣。小編試過在一間餐廳用膳時聆聽whatsapp裡的錄音,結果其他食客即刻望過黎,侍應仲走過黎提我唔可以咁樣做,會騷擾到其他客人,當時真的好尷尬囉! 2.相對於手提電話發出聲音外,日本人都好介意別人在公眾地方高談闊論,大聲喧嘩笑鬧。小編記得有次坐JR因妹妹上車前俾人撞倒,但當時既情境實在太好笑,上到車妹妹一路講番件事發生既經過時,小編就一直忍唔到笑,結果坐在妹妹隔離的男人本來睇緊書的也停下來望住我地,真不好意思! 不過小編試過在個室用膳時,隔離房的大媽說話一直很大聲,小朋友又走黎走去,結果都要向日本侍應投訴,其實日本人面對呢d都好無奈,我相信佢地都好怕接待那些嘈吵的中國人。 3. 黎到日本,你會發現日本街道好整潔,但就好難搵到垃圾桶。原因可以追溯到1995年在東京地鐵發生的沙林毒氣事件,導致大規模傷亡,為了防止恐怖事件發生,日本政府便撤掉了垃圾桶,以免垃圾桶成為放置毒氣或炸彈的地方。所以除左一些自動飲品售賣機旁的分類垃圾收集箱外,要掉垃圾就要自行袋起先,這也是小編覺得在日本旅遊時較不方便的地方! 4. 日本人很有秩序,平時上落樓梯、乘坐扶手電梯等,會遵守排隊靠邊企的習慣,以免阻礙其他人前進,黎到日本也要謹記這些習慣。 5. 日本人也很有禮貌,無論是大至百貨公司或小店,店員會習慣幫客人拎買了的物品並送你出門口,然後鞠躬道謝,所以朋友們不用覺得唔好意思呀! 6. 到日本叫餐時,好多時都會規定著一人叫一客食品既習慣,若你和朋友去到拉麵店,因為唔肚餓所以兩人只叫一碗拉麵咁,對於日本餐廳來說共食是不允許的,所以吃之前最好問清楚店員,如果店家沒有所謂便可以了!不過一般都是限制一人一個餐的!因為如果四個人佔了位置但只點一兩個餐,對餐館來說也是會蝕的吧! 7. 黎過日本既朋友相信都唔會質疑日本人的服務態度。不過日本店員如果serve緊一個客人既時候,佢地係唔會同時間serve另一個客人,佢會叫你『等等』,所以這時大家就要有耐性等佢完成左先會招呼你勒! 另外有些店員好盡忠職守自己個post,好似有次我去便利店入面部機想買票,但因為部機太複雜我買唔到票,於是稔住請店員教我,但佢同我講因為佢正負責樓面工作,唔可以行開幫我(雖然當時無其他客人付款),這我也沒辦法啊!這也是日本人對工作的原則和堅持吧! 8.到日本一些人氣的餐廳用膳,往往需要預先訂位,日本人有其原則,如果你訂了晚上8:30,忽然又想早d 去到,但就算你去到,佢都未必俾你入,要係番你預約既時間先俾你用餐,因為小編真係試過好多次都係咁!當然遲到或失約對於日本人來說係有壞紀錄的,所以預約左就唔好唔去或者預先通知店家,這樣做就比較恰當了! 想了解多些日本最新和旅遊資訊,可參考以下連結: https://www.facebook.com/happysharejp/ https://blog.ulifestyle.com.hk/blogger/happysharejp/ 聯絡電郵: happysharejp@gmail.com