小編就係一個天生購物狂,特別黎到日本,又點會收到手?!就算臨上機前都覺得買唔夠,要用埋d碎紙,總之散曬d銀紙就安樂,哈哈!小編仲有個魔力就係連身邊少買野既人都會不期然博命買野,小編真係好恐怖的! 先post幾張我的戰利品先 點擊圖片放大 +2 呢d只係冰山一角!黎到日本究竟有乜野好買呢?以下純粹個人分享和心得,和大家開心share! 1. 好多日本品牌既服飾價錢相對於香港平好多,所以小編會選擇盡量唔係香港入貨,因為專門店和水貨店都貴,品牌如 BAPE, TSUMORI CHISATO, VIVIENNE WESTWOOD(RED LABEL), NE'NET, ZUCCA, MERCIBEAUCOUP, XGIRL, HYSTERIC MINI / HYSTERIC GLAMOUR, BLUE LABEL CRESTBRIDGE, BLACK LABEL CRESTBRIDGE, FRANCHI LIPPEE, JANE MARPLE 等等。較平民化的品牌如WEGO, GU都有不少捧場客。 點擊圖片放大 +2 另外如果粉絲唔介意二手衫的話,古著店都係抵買之選,日本古著店衣服雖然係二手但會洗乾淨,同埋KEEP得幾好,分分鐘有寶尋。呢間位於原宿ALTA商場的古著店,300 YEN有交易,20幾蚊款式都唔錯架! 2. 日本襪的種類很多,平的1000YEN都有三對,有牌子的一般的都係講緊1000-2000YEN。小編通常到百貨公司入貨,因為人氣受歡迎的品牌如 ANNA SUI, BURBERRY, POLO, PAUL AND JOE, VIVIENNE WESTWOOD款式又多又靚又新,香港真係相對買唔到!小編曾發現VW LEGGINGS香港比日本價錢貴成四倍,所以每次逛日必買! 點擊圖片放大 +2 買到福袋的話仲抵!1000YEN有咁多樣野! 3. 手袋又係女人買極都唔厭的:AGNES b, ANNA SUI, VIVIENNE WESTWOOD, BAO BAO(俾港人炒到好貴,但係日本都好難買到), TSUMORI CHISATO, 港人必買HEAD PORTER, 最近人氣ANELLO(周街都係),點忍到手?小編發現有D品牌的款式係日本先有,而且講緊錢都係日本平! 點擊圖片放大 +3 百貨公司有時會做PROMOTION, 呢套一SET五款手袋係池袋0101賣約$240,真係平時一個都唔得! 4. 手巾雖然唔係大路野,但日本的手巾款式真多,牌子也很齊全,幾十蚊一條,小編都很喜歡買!做手信送禮都好得體! 點擊圖片放大 5. 女人對鞋的購買慾又係好強,開心又買,唔開心都買!係日本除左連鎖店ABC MART外,SPORTS LAB BY ATMOS會有特別版的波鞋,RANDY 和DIANA會有CROSSOVER既鞋,如MELODY、DISNEY CHARACTER, 有間IRREGULAR CHOICE有好靚既ALICE WONDERLAND既鞋!當然好多品牌都有自家鞋,真係買到停唔到手! 點擊圖片放大 +8 6. 帽係百搭襯衫的,日本有好多帽店,出名的有CA4LA,潮人帽子店。小編就最喜歡到百貨公司買VIVIENNE WESTWOOD既帽,款式夠齊全! 7. 雜貨小物如手襪、袋仔、飾品都係不容錯過的! 點擊圖片放大 +4 1000YEN HEARTDANCE福袋 8. 藥粧都係粉絲們必逛的店,買之前留意下有無減價和COUPON! 點擊圖片放大 +4 9. 零食手信熟悉如香蕉類品牌外,還有其他不少的選擇,小編就喜歡 SUGAR BUTTER TREE系列的 點擊圖片放大 +7 總之日本真係可以乜都買一餐既國家,每次小編都流血不止!但SHOPPING咁有樂趣,買多左就唯有繼續努力工作,然後就繼續SHOPPING吧! 想了解多些日本最新和旅遊資訊,可參考以下連結: https://www.facebook.com/happysharejp/ https://blog.ulifestyle.com.hk/blogger/happysharejp/ 聯絡電郵: happysharejp@gmail.com