與父母旅行不得不知的8件事 作為父母,養大了孩子,其實係內心深處都渴望和仔女黎一次外遊旅行。 小編裸辭以後,就係九月和80幾歲的媽媽黎一次大阪東京八日之旅。雖然自小和媽媽一起生活,但旅行還是第一次呢!原來旅行還可見到媽媽的另一面。預計和父母旅行的朋友們不得不注意以下事情呀! 1. 安排前排舒適座位 今次和媽媽是坐廉航勒(真不孝,至少坐商務吧!),因為買去程送回程實在太抵了,所以坐三個幾鐘頭也可以呢!不過老人家血氣唔夠,若果隻腳屈住幾個鐘都挺不舒服麻,所以我也加錢坐了第一行舒適位置,較其他位置闊落,坐在窗口邊也可欣賞雲海。而且買了舒適座位也可優先上機,總算是廉航的唯一好處吧! 2.上機前預備 機上沒有飛機餐,要預先和媽媽在機場吃東西,過關後謹記要買樽水,因為機上嚴禁吃非機上提供的食物,不過就算買機上食物也不算貴,只是選擇較少! 3.提醒父母勿帶多餘物品 臨出發前已經提了媽媽唔好帶咁多行李,因為只有20kg,check in時媽媽的行李已經有18kg,嚇了我一跳。回到酒店,先知原來媽媽帶了十幾條毛巾、三四十包紙巾,老人家就是心思細密,驚仔女唔夠,帶埋仔女d野。 4.切勿輕信父母話唔買野 媽媽出發前已經講左唔會買乜野架,但淨低果2kg怎麼買野呢?我呢個不肖女仲稔住會用到佢d quota,實在太天真勒!究竟媽媽有無係日本買野呢?結果買到停唔到手,不過買的大部份都是給朋友給仔女給孫仔女,我唯有把自己的quota也讓給媽媽呢! 5.切勿輕信父母話乜都食 臨去前問過媽媽有什麼不吃的就不安排,結果媽媽話佢乜都食。原來是騙我的,嗚嗚…老人家食得唔多,注重健康,鐘意菜多肉少,但日本就是無乜菜食,唯一有的是沙律菜,旅行之餘都要兼顧食物既種類和份量,食得唔多的我還要分擔媽媽食唔曬的,真的肥死我了,嗚嗚…仔女和上了年紀的父母去旅行要預有兩個胃呀! 6.留意老人家開唔開到大 老人家去洗手間開大都係問題,可能太緊張或環境陌生,需要如廁的時間較耐,或感到困難,所以有需要時便要準備香蕉、乳酪、纖維類飲品吧!因為無得開大真係好辛苦的! 7.行程編排要輕鬆,米掛住自己shopping 行程編排也要就老人家的體力,觀光、購物中間要預留時間休息,間唔中坐低去食下野,唔好玩到咁盡!雖然日本坐的士唔平,但短途的唔想係陽光下曬住,坐的士也化算的,減少行路的時間。 8.自製心意相簿,留下美好回憶 完左旅行後,於網上幫父母整一本旅行相簿,將旅行過程、點滴記低,相信可以留給父母一個美好的回憶! 小編慶幸可以和媽媽去了第一次的旅行,有左今次的經驗,相信下一次會plan得更好,媽媽雖然80幾歲,但體力還好過我多多,由朝到晚都無叫累,真佩服她!