自從用完VT CICA老虎氣墊(按我)爛面,小妹就對韓國美妝產品失去信心(-。-;。 不過,Heynature呢個品牌實在令小妹刮目相看。 小妹第一次認識Heynature,係喺大佬甜er一條好出名嘅暗瘡肌遮瑕教學片入面見到。佢用嘅Heynature防曬同BB cream都係全草本成分製成,連佢爆緊瘡都話好啱用。 大佬甜er | 痘肌瑕疵皮的夏日换脸术 | 不脱妆小技巧 今次收到嘅係Heynature魚腥草系列(Erseongcho Skin Care)嘅產品。 其實小妹本身都唔知魚腥草係乜 XD,只係畀呢段宣傳文字吸引咗: 第一重療效,天然抗菌,清熱解毒、消腫療瘡。 第二重療效,提高肌膚免疫力,改善泛紅、乾燥、敏感、痘痘及鎮靜肌膚。 所以,小妹對佢哋充滿期待! 第一件產品係魚腥草爽膚水Erseongcho Toner (HK$278/120ml)。 先要講下佢嗰噴頭,設計得非常好! 噴出嚟嘅水珠好細好密,而且呢度只有一泵份量,已經可以噴得咁均勻——份量唔多,只係覆蓋範圍大。 好多toner樽就算有噴嘴,小妹都係會噴落化妝棉再抹上面,因為啲水珠太大滴啦!噴到周圍濕哂,幾乎射盲對眼 lol。 小妹通常一次噴5至6泵,等全面濕哂,再輕輕拍打,唔夠半分鐘就會吸收哂,質地好輕盈。 無話誇張到立即降紅降溫,但膚感舒適。 跟住係魚腥草安瓶精華Erseongcho Ampoule (HK$208/30ml)。 佢同toner嘅氣味一樣係清新嘅植物香氣,同積雪草有啲似。 小妹每次用3-4滴左右,放喺掌心,再輕印上面。佢嘅質地水潤透薄,吸收之後皮膚表面依然清爽。 生暗瘡嘅人經常水油唔平衡,油脂分泌旺盛,皮膚底層卻嚴重缺水。 而且有睇小妹ig嘅朋友應該知道,小妹由12月開始食緊A酸(按我),所以成個冬天都乾得好緊要!嘴唇嚴重甩皮不特止,日日敷mask都會化妝kick粉 T_T。 但!係!小妹喺3月1號收到魚腥草產品,8號去專櫃做皮膚測試,居然check到水油比例理想! 見到3月1號同10號嘅對比圖,小妹自己都嚇一跳@·@。 3月15號因工作關係,夜晚要化妝。下午返到屋企,懶得再洗面搽嘢,就咁用清水抹幾抹,噴埋魚腥草爽膚水就上妝。 結果,底妝喺6個鐘之內都完好無缺,貼服、無浮粉、無起乾紋、無脫妝、零油光。當然,都同用嘅粉底以及化妝技巧有關啦,但係小妹呢日同冬天嗰陣用嘅係相同產品喔。 早幾日M到,居然連瘡仔都無粒!證明Heynature魚腥草系列不但可以消除表面炎症,仲幫到肌膚恢復免疫機能,做到深層護理(⁎⁍̴̛ᴗ⁍̴̛⁎)。 分享住咁多先,多謝收看( ^ω^ )/。 Heynature 官方網站: https://www.heynature.com Heynature Facebook專頁: https://www.facebook.com/Heynature/ Heynature Instagram: https://www.instagram.com/heynature_hk *** 產品和資料由品牌提供 *** cafchiu@gmail.com https://www.instagram.com/happychiu/