早幾日去做facial,美容師話小妹嘅黑頭暗粒比上個月多咗好多;結果今次針清要忍受前所未有嘅痛楚(╥﹏╥)。實不相瞞,小妹最近化妝多咗,深層清潔反而疏懶咗,因為天氣日漸乾燥,晚晚洗完面只想快快保濕。 好彩,啱啱收到台灣品牌HoLan’s荷蘭氏寄嚟嘅毛穴淨化竹炭黑面膜(HK$158/250g)。 點解「好彩」呢?因為佢好可能係最適合秋冬使用嘅清潔面膜!面膜含有金盞花、金縷梅、洋甘菊等耳熟能詳嘅消炎抗敏成份,分明為小妹而設;另一樣主要成份竹炭亦係出哂名清潔力強。小妹充滿期待啊! 最喜歡product喺包裝列明生產日期或到期日,安心好多。 雖然扭開蓋仲有一層保護蓋,但面膜好容易黏附喺蓋上,又會喺蓋邊滲出嚟。用家最好小心放置,唔好倒轉或者打側擺放。 如果喺夏天,小妹會將佢放入雪櫃,一來防止變壞,二來凍敷更有助收細毛孔同舒緩降溫。而家就快轉涼,放喺涼爽位置就okay。 佢比一般gel mask透薄,質地似精華多過似gel,輕輕推開,好似皮膚有水份湧出嚟咁。 面膜太稀身,用手指好難搽,又唔衛生,最好另外搵面膜掃或者刮勺。 面膜要厚塗,最好敷到見唔到原來皮膚嘅顏色——儘量啦。感覺好舒服,室溫下都係涼浸浸,有少許薄荷嘅清涼感,最重要係好滋潤,完全唔似敷緊清潔mask! 啱啱敷上去有輕微重量感,好似想滴囉嚟咁,有少少滑動造成嘅痕癢——過咗10分鐘就無。 氣味係淡淡花香,唔攻鼻,令人放鬆。由於要敷30分鐘,小妹索性攤喺度敷~ 夠鐘啦。小妹先用手指抹走厚厚嘅面膜,然後再過水。面膜夠清爽,1分鐘左右就洗淨。 敷面膜前,小妹只係洗咗面,無搽其他skincare,但敷完一啲繃緊感覺都無!膚色亮白咗,眉毛上方嘅大暗瘡、小暗粒都消咗炎、降咗紅! 鼻翼嘅黑頭、白頭浮咗一半出嚟,稍加擠壓就可以清除。 HoLan’s荷蘭氏毛穴淨化竹炭黑面膜可以話係小妹暫時用過最舒服、最容易清洗、最保濕嘅清潔mask。HK$158有大大盒,目測可以用至少20次,買嚟試下都抵——冬天尤其啱用! 香港獨家分銷商 我的公主美妝店 My Princess 購買點: https://www.myprincessyoyo.com/product-4153.html *** 產品和資料由品牌提供 *** cafchiu@gmail.com https://www.instagram.com/happychiu/