7月嗰陣,小妹喺《暗瘡肌日常妝容》提到過,好難搵啱適合暗瘡皮膚用嘅化妝品。呢幾個月入面,卻漸漸發現用啲咩粉底其實對皮膚傷害嘅分別唔大,最緊適合油性肌膚,而且要徹底卸妝。於是,小妹開始更多嘗試各種product。 最近認識咗VT CICA。 VT係出「拉花cushion」嗰個韓國美妝品牌。而CICA就係VT嘅其中一條line,主打以積雪草保濕消炎鎮靜,特別針對暗瘡肌、敏感肌。比較熱門嘅product有面膜、暗瘡貼、防曬噴霧,同今年新出嘅氣墊粉底。 (網上圖片) 大佬甜er係小妹每日follow嘅大陸blogger,佢同小妹一樣長期受暗瘡問題困擾,所以間中會跟住佢入手某些product。 起初睇咗佢呢條片,知道出咗VT CICA老虎氣墊粉底,心郁郁想試。 02:01 - 04:43 这是一个精彩又鬼畜的真.店铺guang告,在里面又是喝酒又是露小腿 <--- Click! 除咗呢次,無再見過佢喺其他片用呢個cushion ._.。 淘寶都出咗啲實測片段,個個店主都話佢持久、保濕、遮瑕力強,蘊含嘅積雪草精華更有助暗瘡消炎。 https://m.tb.cn/h.3OiF7ac https://m.tb.cn/h.3O56obs https://m.tb.cn/h.3OZoVGJ 香港暫時未有太多人用,可以參考嘅review唔多。Sasa賣HK$248連替芯,搵代購只需要HK$135,連淘寶都賣CNY¥14X咋,不妨一試。 2/11到手,每星期用3至4次。初步感覺無想像中遮瑕,可能突起嘅痘痘太多太難遮,亦唔覺痘痘有明顯改善。 小妹決定喺18/11進行一次認真實測! 請注意,以下相片係用手機後置鏡頭拍攝,無開filter,絕對高清!!! 上妝前敷咗個保濕mask。 先用shu uemura POREraser CC 泡沫底霜(HK$370/30),Beige色號。搽咗無搽都係好多瑕疵(╥﹏╥)。 Cushion盒都幾核突 ._.。 只有三個色號,最淺係#13,最深嘅#23雖然係自然色,亦偏白——似乎所有韓國cushion嘅色號都差唔多? 謹慎起見,唔係特別白淨嘅話最好用#23。 其實呢個係鏡盒,但一直無需要用塊鏡,就懶得撕走保護貼。 品牌聲稱綠色嘅係積雪草精華液,上妝同時護膚,又可以中和泛紅,唔會對皮膚造成刺激。 個人覺得呢個粉撲唔好用,佢似係乳膠質地,唔夠柔軟,好難印開粉底。 將粉撲喺海綿上按壓之後,粉底喺粉撲上分佈得非常唔勻循,呈現斑駁。 先搽上無咁嚴重嘅左邊面。一印落去,啲粉厚到呢!毛孔現哂出嚟 O_O。 印開之後,紅色痘印淺色咗少少,不過整體分別唔大。薄塗之後皮膚尚算清爽。 反覆疊加幾層後,分別更明顯,但都係遮唔哂痘印,突起嘅痘痘甚至唔上粉。塊面笠咗好多。 以出名好用嘅NARS 光亮柔滑遮瑕膏(HK$290/6ml)重點遮瑕後,下巴嘅痘痘終於遮住。但係面頰嘅凹凸瑕疵就處理唔到,底妝亦變得更厚重。 最後再補返層cushion粉底,統一膚色。 更多瑕疵嘅右邊面(−_−;)。 再睇下使用cushion前後嘅對比相。 睇嚟眼鏡印真係無得救⋯⋯ 原來鼻樑嗰粒謝緊嘅瘡一啲都遮唔到(ー ー;)。 最後用咗超級控油嘅innisfree控油礦物質散粉(HK$54/5g)定妝。為咗令妝容更加持久,小妹呢幾個月嚟以碎粉掃代替原裝粉撲,的確控油好多。 歷時1小時15分鐘,終於喺1:29pm化好全妝。(右邊加咗SNOW filter,都係睇到瑕疵,真係喊出嚟orz。) 跟住落嚟嘅行程(大概)係: 1:45pm - 3:00 搭地鐵,喺室內等待遲到朋友 3:00pm - 5:00pm 酒店 high tea 5:00pm - 6:15pm 由灣仔搭電車去銅鑼灣,行咗一陣街 6:15pm - 6:45pm 搭地鐵 本來想喺酒店影幾張相紀錄下妝效變化,不過餐廳太暗,洗手間又太多射燈,只好放棄。 6:45pm返到屋企。帶妝5個鐘似乎太少,一於食埋飯再睇。 8:23pm。 喺夜晚,室內光線減弱,睇落仲okay哦可。 右邊面。 額頭出油嚴重,以中指輕輕一抹,即刻反哂光,粉底都抹甩咗少少——同乾爽嘅食指、無名指形成對比。 對住檯燈影張近鏡,出事啦! 右邊面暗瘡嘅膿頭比中午上粉底前大粒咗好多!瑕疵嚴重嘅程度比起未搽cushion有過之而無不及。(唉,寧願素顏好過。) 唯一無受影響嘅位置係額頭,大概本身無咩瑕疵。7個鐘後,只係出咗啲油,就算溶妝都無好影響視覺效果。 故事仲未完⋯⋯ 小妹用shu uemura POREfinist²櫻花喚肌潔顏油(HK$260/150ml 或 HK$640/450ml)卸妝後,出現咗呢個令人傷心欲絕嘅畫面⋯⋯ 唔好再講乜嘢呢款cushion好溫和好啱暗瘡皮膚用啦。 第一,佢遮瑕度無想像中好,如果要搽多幾層先遮到瑕疵,就唔算十分遮瑕。 第二,佢遮唔到發緊炎、突起嘅痘痘,只有搽喺平滑嘅皮膚先貼服——咁樣對暗瘡皮膚有咩用呢,一般粉底都比佢貼服。 第三,完全唔透薄!質地非常厚!超級塞毛孔! 第四,鎮靜?消炎?咩嚟㗎? 之前用咗幾包HABA Mineral Essence Liquid Foundation (HK$390/30ml) sample,都係偏潤係粉底液,帶妝一日會谷熟啲瘡,但至少妝效美觀好多,又唔需要瘋狂搽咁多層! 之後嗰日係星期一,唔可以避免出街。話就話要畀皮膚休息,但條街咁多污染物,素顏唔一定對皮膚好。 小妹用返最愛嘅bareMinerals 礦物抗炎零毛孔粉底(HK250/6g)——呢個係舊版,已經停產,用哂先買新版。用咗10個月喇,佢完全經得起時間考驗——唔塞毛孔、唔刺激皮膚、阻隔污染物、消炎。 睇下呢個妝效,以小妹咁多瑕疵嚟講,佢同VT CICA老虎氣墊粉底嘅遮瑕力其實差唔遠,但係底妝就輕盈、自然好多。最重要係唔會整到小妹爛面。 諗落,單單卸妝乾淨都唔夠,暗瘡肌、敏感肌千祈唔好亂咁信啲品牌話自己嘅產品好啱你用。 明明已經對韓國彩妝失去信心,點解今次又中伏呢(−_−#)。 *** 呢篇唔係邀稿 *** cafchiu@gmail.com https://www.instagram.com/happychiu/