今次首爾之旅買了很多不同類別的手信,分別在大型超級市場及Daiso購入,以零食為主,大家去首爾都可以搜羅下特別手信架~ 1. 年糕朱古力曲奇 3900圜(約$25) 呢款零食成為必買手信及代購之一,除咗可愛倉鼠包裝,年糕煙韌,外層更有朱古力粒,喜歡甜食的朋友要試試,不過宜家香港都有得買嚕xd 2. 非油炸薯片(芝士焗菜味)2880圜(約$18) 一包有12塊,食落好似薯片一樣,芝士味好濃郁! 3. Oreo黑芝麻棉花糖批 4320圜(約$28) 最近新口味的oreo批,裡面有黑芝麻餡,黑芝麻味太出蓋過oreo味,棉花糖少煙韌。另外有黃豆粉味選擇。 4. 雞粒pop 1000圜(約$6.4) 呢款雞粒係甜辣雞味,一包份量較多,最啱邊睇刻邊食,做手信也一流! 5. 辣味脆麥片 1000圜(約$6.4) 以全麥製成,帶有少許辣味,吃起來罪惡感沒有那麼大~哈哈 6. 粟米脆脆套裝 2000圜(約$13) 平時有食開呢款零食的bbq味,這次看到有套裝,裡面有一包原味粟米cone及一個蒜味蛋黃醬。味道超夾,蒜味好濃好滋味,不夠自己再買多包原味脆脆蘸醬吃。 7. 即食薯仔煎餅 2480圜(約$16) 懶人最啱食這款煎餅,只要加水拌勻,然後煎熟即可,方便又不用加配料。除了薯仔煎餅,還有泡菜煎餅、綠豆煎餅,甚至pancake都有! 8. 炸醬即食杯麵 850圜(約$5.5) 呢個也是私心推薦,雖然不及真正炸醬麵但暫時止癮也是個不錯的方法。而且炸醬汁不是一般的粉狀,真的是炸醬醬汁,拌起來也是不同及好味! *個人口味:加幾滴辣雞醬更惹味 9. 聖誕版辣雞麵 3980圜(約$26) 早前係網上見到聖誕版本以為是不辣的蕃茄口味,但是辣味後勁好厲害,只是比原味辣雞麵少辣些。 10. 辣雞蛋黃醬 3280圜(約$21) 見到急不及待放入購買車內,配脆香雞翼一流,辣得過癮。 11. No Brand芝士脆卷 1000圜(約$6.4) 對於no brand這個品牌有信心,芝士佈滿整條脆條,濃濃芝士味又帶有少許蛋卷甜味,價錢便宜份量多,推介! 12. Churros脆條 1000圜(約$6.4) 喜歡吃肉桂的朋友可以一試,churros有一定厚度,肉桂味突出,而且包裝有分段位撕開方便食用。 13. Ryan & Apeach 年糕 2500圜(約$16) Ryan是辣味年糕;Apeach是芝士辣味年糕。辣味年糕比想像中辣,年糕好煙韌而且ryan魚蛋超可愛!最近仲推出炸醬口味添! 14. Ryan & Apeach即食麵 1900圜(約$12) 這次試了Apeach即食麵,是蜆肉濃湯味,麵線較粗,又係有Apeach 魚蛋,做宵夜一流! 15. 雞粒pop (辣椒燉雞味)1000圜(約$6.4) 除了甜辣雞粒味還有這款新口味,很重大椒味,辣味後勁重,建議不吃椒的朋友還是吃甜辣雞粒味好啲~ 16. 4層粟米脆脆 1000圜(約$6.4) 外型好像龜殼一樣,一共4層,粟米湯口味,另有甜杏仁味但我終情於粟米湯味~ 17. 薊菇菌拌飯 버섯곤드레 비빔밥 2980圜(約$19) CJ出名推出拌飯/即食飯,除了普遍的炸醬飯,還有牛骨湯飯、蓋飯等,這次試的薊菇菌拌飯。雖然份量不多,加入麻油更帶出薊香味。 18. Bath Hand Towel 1500圜(約$10) 這個找了幾間daiso才買到,平時愛刷背的朋友可以試試,一支刷背捧方便而且又刷走「老泥」,自用或送給朋友也可。 19. 抹眼鏡濕紙巾 1000圜(約$6.4) 這盒眼鏡濕紙巾一盒24片,除咗可以抹眼鏡外,還可以抹電話、太陽眼鏡及鏡頭,趁現在「非常時期」多用這個濕紙巾清潔電話或眼鏡上的細菌及塵埃。 20. 迷你朱古力忌廉批 3800圜(約$27) 一口朱古力忌廉批最啱嘴細的朋友,一盒有12個。忌廉份量升級,朱古力味亦很濃很甜,下午茶配咖啡或茶也是不錯喔~ 21. 梨乾/柿乾 7980圜(約$52) 韓國出品的梨乾及柿乾,原隻水果製成,一包有3小袋,柿乾甜度無梨乾高,梨乾聿間位置有少少水果酸味,不是假甜!想吃得健康也推薦這款水果零食。 22. 士多啤梨脆乾 10000圜(約$65) 韓國冬天當造士多啤梨,在廣藏市場買了一包士多啤乾,大粒又脆口士多啤梨,而且很甜好好食! 23. Bibigo紫菜 7980圜(約$52) 每次去韓國都會試不同牌子及口味的紫菜,這次也不例外試了大牌子Bibigo的麻油味及烤牛肉味紫菜,紫菜沒有一般市面上油膩但味道不突出,有點兒失望。 24. 忌廉辣雞意粉汁 2480圜(約$16) 見到辣雞系列又把它帶回家,一人份的意粉汁,不知道味道是不是跟卡邦尼辣雞麵一樣呢?喜歡吃辣的朋友可以挑戰下~ 25. Bibigo泡菜大豆芽章魚粥 2980圜(約$19) 買的時候有推廣優惠,主張方便、健康、美味,啱晒打工仔,一包是1-2人份量,泡菜味濃郁而不辣,每啖都吃到切得好粒嘅章魚。呢個牌子呢一款蔬菜蘑菇粥都好味! 26. 士多啤梨朱古力卷蛋 15000圜(約$97) 呢款卷蛋係Paris Baguette買的,包裝是可愛KakaoFriends人物Ryan及Apeach。 味道是士多啤梨及朱古力味,士多啤梨卷蛋有士多啤梨果肉;朱古力卷蛋不會太甜,而且有朱古力粒。另外有水蜜桃及青提味,不過大部分都售罄。