話說呢排澳洲熱到好似落咗地獄咁。熱幾日,又涼返幾日。呢到啲天氣就係咁。春夏秋冬一日齊晒。Gumii 就想介紹返呢排幾好消暑嘅方法。Gumii 屋企好少開冷氣,成日出商場涼人哋啲冷氣XD 無意中發現到呢間韓國嘢The Mandoo Dining。 澳洲啲韓國嘢不嬲都好正宗 (當然係同香港個啲比,同韓國比個人就覺同level嘅)。咁大家都係韓國人開,就緊係同level啦~ The Mandoo Dining 係一個小唐人區叫Eastwood。係Central 坐火車大概需要半個鐘。Eastwood呢個區分咗2邊。1邊係唐人區,好多唐餐館。令一邊係韓國區。有一條街嘅韓國餐館,韓國cafe。The Mandoo Dining 就係係韓國區個邊啦~ 餐廳面積唔大,Support 小店!! 呢度係冇燒肉食。要食燒肉嘅,行出大街有幾間正嘢。Menu 選擇唔多。價錢中等。不過勝在冷氣夠大! 今次Gumii 就叫啲呢度幾款好食嘅麵同韓國餃子。唔好以韓國餃子好似香港個啲size咁樣,咁你就大錯得可啦...我哋一坐低,店員就自動波比咗啲配菜我哋。不過配菜就唔多,但可以unlimited refill 配菜 首先,夏天消暑就當然叫返碗冷面先啦。呢碗Busan Style Spicy Cold Noodle Soup ($12AUD)。個湯係凍嘅。個麵好有咬感。同上面個pat 辣醬間直係一熱一凍。正! 我哋仲叫咗碗Kimchi Cold Noodle Soup ($13AUD)。Gumii 好鐘意食佢d kimchi。碗冷麵係學而加埋啲醋同mustard一齊食。Gumii 就比較鐘意加醋。夏天熱到咁已經無乜胃口。加咗啲醋好開胃。比多碗Gumii 食都仲得~~~ 冷面都係配菜來架咋。主菜來啦!! 韓國style 餃子~ 首先,我哋叫咗個Kimichi and Port Dumpling ($12AUD)。個size.....一粒餃子係iphone嘅一半。部iphone 都係iphone7 size 者~ 入面啖啖肉同kimchi,入面少少粉絲。 不過食2舊加埋碗冷麵真係飽飽地... 我哋仲好貪心叫埋個BBQ Pork Bun Dumplings ($12AUD)。其實都係韓國叉燒包。個人就覺得茶樓啲叉燒包會好食d. 呢個set 仲有個菜肉Dumplings。Gumii 係有私心嘅。就緊係覺得Kimchi dumpling 好食啦~ 貪心咗。為咗影相,叫得太多嘢食。食唔晒仲要飽到上頸。食完出面都仲係熱到傻...返屋企lu~ Address: 62/80 Rowe St, Eastwood NSW 2122, Australia Opening Hours: 11am-9pm ♫ Follow me ♫ Facebook: https://www.facebook.com/gumii.kwm/ Instagram: https://www.instagram.com/gumii.kwm/ Website: https://gumiiaustralia.store/