去首爾旅行日日食炸雞、燒肉食到口wear wear? 不如high返個brunch咧? 呢間Bimbom位於全首爾最多洋人聚集的梨泰院區,有多款洋食供應。其中佢地最signature的就係brunch tasting menu,以三層afternoon tea set架擺放早午餐,好食又有feel,啱哂一眾港女影相呃like! Brunch set (44,000KRW)為二人份量,分為三層,每層可以揀選一或兩款食品。頂層可選草莓法式多士 (brioche French toast) 或甘筍鬆餅 (carrot pancakes);第二層就有蘑菇班尼迪蛋 (mushroom egg benedict)、法式蛋餅 (quiche lorraine)同埋蕃茄肉丸 (tomato meatball stew),任揀兩款;最底層就係指定法式薄餅 (before sunrise crepe),另外仲包兩杯飲品。 同平時tea set一樣,可以由底層食起。不過因為款款賣相都好靚,好好味咁,最後我都擺哂出黎食XDD 超鍾意呢個crepe,材料豐富,有煙肉、雞蛋,仲有味道同火箭菜好似的fresh leaves,配搭清新唔會好膩,超好食~ Mushroom egg benedict亦係必食之一,蘑菇非常香濃可口,加埋個poached egg上面好creamy的hollandaise sauce,諗起都流口水! 不過一定要趁熱食! 蕃茄肉丸就比較普通,仲要得兩小粒。大食的朋友可以點quiche lorraine,應該都幾唔錯既~ 最尾當然唔少得甜品草莓法式多士,厚厚香脆多士加上糖霜同蜂蜜,略為甜咗少少,但非常好味,食埋咁sweet的french toast作結,非常滿足同幸福♥♥ 餐廳環境優雅、寧靜,非常適合閨蜜們周末黎食個brunch傾下計。不過唯一的缺點係(如果你唔揸車或唔搭的士去的話)就要係綠莎坪站出,然後行上條大斜路先去到餐廳。就當食好西前做少少運動打下底先吧! BimBom 地址:서울특별시 용산구 회나무로 51 (地鐵6號線綠沙坪站녹사평역2號出口) 其他連結︰ ♥ Gourmet Raxxit’s Blogspot ♥ ♥ Gourmet Raxxit’s Facebook ♥