食all day breakfast 或者點心all-you-can-eat brunch就食得多,K-brunch都係第一次食﹗開業一年的新派韓國菜餐廳MOMOJEIN早排推出半自助形式weekend K-brunch,仲有型男Oppa大廚坐陣,經已加哂分﹗加上餐廳位於灣仔旺中帶靜的QRE Plaza,23樓高層望住靚景,自然陽光照入餐廳,令人心情大佳兼胃口大增﹗ 半自助形式的早午餐($350)由中午12點開始,25款韓式fusion頭盤任食,主菜就6揀1,最後仲有甜品拼盤﹗每款頭盤的賣相都非常精緻吸引,連擺放都超有心思,Oppa大廚仲會出黎親自擺放頭盤架﹗咁多款我就最鍾意韓式炸年糕串燒,年糕質感夠哂煙韌,外層脆口但唔油膩,加埋肉鬆碎碎,非常可口,追加咗好幾串架﹗ 點擊圖片放大 +6 為咗配合港人口味,MOMOJEIN特別加入三文魚刺身,而同平時唔同的係大廚特登用香菇同醃菜調製韓式醬汁,代替豉油同wasabi,令三文魚刺身的味道更加鮮甜﹗另一款非常欣賞的小食就係三文魚刺身配辣醬八爪魚粒炒飯,口感軟糯的八爪魚粒同意大利米(好似係)混合再加微辣韓式辣醬,夠哂惹味開胃,salmon lovers一定岩食。 特別鍾意佢地每款小食都細細份,客人可以每樣試D﹗好似韮菜煎餅同泡菜煎餅咁,細細塊唔會食到好膩好飽﹗鍾意飲湯的朋友,記住試埋呢度的牛肉蘿蔔湯呀,牛肉味非常濃郁﹗ 其實食下食下D頭盤已經開始飽,不過仲有主菜架﹗因為多人一齊食的關係,可以每款主菜都食到D。6款主菜包括︰韓燒牛肋肉、燒鯧魚、韓式烤牛肉、香燒羊排(另加$80)、鮑魚石頭窩飯同埋韓式慢煮豬腩肉。個人認為牛肋肉同豬腩肉係必食的﹗用美國上等牛肋肉配秘製韓式烤汁,肉質軟腍,肉味香濃。豬腩肉唔算太肥膩,配埋醃菜同惹味醬汁非常好食。反而鮑魚石頭窩飯對我來講就最麻麻,味道略太清淡。 點擊圖片放大 +4 最後甜品拼盤都好有驚喜,有棉花糖、水果、芝麻雪糕、mochi、脆焦糖蕃薯等,賣相十分精美。如果有邊款覺得好食仲可以同店員講追加架﹗加埋$400有找呢個K-brunch絕對抵食,淨係食頭盤都值回票價喇﹗如果想豪D可以加多$120任飲韓國米酒、soju sangria同啤酒添﹗ MOMOJEIN Korean Restaurant 灣仔皇后大道東202號QRE Plaza 23樓 其他連結︰ ♥ Gourmet Raxxit’s Blogspot ♥ ♥ Gourmet Raxxit’s Facebook ♥