一個多月前先第一次到Jamie’s Italian銅鑼灣店潮聖,估唔到咁快又有機會到全新尖沙咀店試試。尖沙咀分店面積較細,不過間格勝在夠四正,座位夠集中,而燈光亦較銅鑼灣店光猛,唔會有越食越眼訓的感覺。裝潢繼續大玩中西合璧style,如四面牆壁都畫上舊香港景色的graffiti,充滿香港風情﹗

尖沙咀 海港城 海洋中心 Jamie’s Italian 試食尖沙咀 海港城 海洋中心 Jamie’s Italian 試食尖沙咀 海港城 海洋中心 Jamie’s Italian 試食

尖沙咀 海港城 海洋中心 Jamie’s Italian 試食

Menu同樣有中英版兩面,不過尖沙咀店就多咗幾款新菜式,包括正常意大利餐廳必有的pizza、garlic bread、Portobello Mushroom Fritti同埋Wild Truffle Risotto。

尖沙咀 海港城 海洋中心 Jamie’s Italian 試食

新加入menu的4款artisan pizza分別有Florentina、Seafood、Hong Kong Hot同Funghi Mista,聽個名Hong Kong Hot (香港風情)好似幾特別咁,於是就揀咗呢個。賣相同我地想像的有D出入,明明係有salami同meatball,但一黎就淨係見到一條條的紅椒、青椒、黃椒,仲以為我地點錯。Pizza整體味道偏鹹,配料分佈非常不均,條條辣椒唔係太鹹就太酸,成個pizza都非常重口味,唔知係咪因為咁樣所以叫做香港風情,希望下次再有機會試試其他款式的pizza喇﹗ 

尖沙咀 海港城 海洋中心 Jamie’s Italian 試食

另外點咗兩款小食前菜,有賣相特別、有D似雞蛋仔的的香脆意大利芝士雲吞,店員上菜的時候都有介紹雲吞內的3款芝士,包括fontina、parmesan同ricotta cheese,不過芝士份量較少,食唔出濃濃的芝士味,只係食到點咗香辣蕃茄醬的nacho味道;同樣用香辣蕃茄醬烹調的有意大利香辣雞翼,配埋新鮮青檸汁,酸酸辣辣非常惹味﹗

尖沙咀 海港城 海洋中心 Jamie’s Italian 試食

尖沙咀 海港城 海洋中心 Jamie’s Italian 試食

今次主菜揀咗秘製自由放養烤雞 (Chicken Al Mattone),但賣相完全睇唔出係一碟雞,更加唔似係烤雞。伴碟的法包多士沾滿香濃蘑菇醬汁,非常香口好食。不過烤雞食唔出香烤的味道,雖然係marinated,但蘑菇醬汁的味道只係沾到雞的表面,所以唔夠入味,對呢款主菜有D失望。

尖沙咀 海港城 海洋中心 Jamie’s Italian 試食

尖沙咀 海港城 海洋中心 Jamie’s Italian 試食

上回食過蟹肉意粉麻麻地,今次叫咗牛肝菌闊條麵,口感非常creamy,牛肝菌味道香濃,闊條麵亦夠煙韌,今次意粉加番分﹗

尖沙咀 海港城 海洋中心 Jamie’s Italian 試食

係銅鑼灣食過Epic Brownie後讚不絕口,仲誠意推介過呢款甜品,無諗過呢個signature dessert係尖沙咀店竟然會出事﹗呢度的Epic Brownie先係無加朱古力醬,無咗香濃同rich的口感。而海鹽焦糖雪糕更係鹹到一個點….唔太能夠接受,從來未食過鹹到咁的salted caramel雪糕,同之前食過個個出入好大,真係唔知出咗咩事@@ 

尖沙咀 海港城 海洋中心 Jamie’s Italian 試食

全場唯一比較有好評的係Berry Blast mocktail,非常清甜,帶少少雜莓果酸,開胃又解渴,而且價錢相宜。

尖沙咀 海港城 海洋中心 Jamie’s Italian 試食

新店試業數天,店員未太上手,部分睇落經驗尚淺,服務質素有待改善,整體食物同服務水準較銅鑼灣店遜色。不過值得一提的係尖沙咀店有outdoor座位,係陽光微風下嘆lunch或食tea係個唔錯的選擇。


Jamie’s Italian
地址︰尖沙咀海港城海洋中心 4 樓 412 號舖

其他連結︰
♥ Gourmet Raxxit’s Blogspot ♥
♥ Gourmet Raxxit’s Facebook ♥

This entry was posted in 九龍, 意大利菜, 特色餐廳 and tagged , , , , , , , , , , , . Bookmark the permalink.