橫濱出店福岡博多牛角包 迷你牛角包 離開繁忙既市中心. 橫濱真係一個好舒服既地方.一路沿住海邊睇下風景·樹木處處.感覺治癒.身心放鬆. 走到橫濱站附近Porta 地下商場. 遇上美味迷你牛角包 店名ミニヨン <MIGNON> 神奈川県横浜市西区高島2-16-B1-314 其實我係幫襯買旁邊比較出名既八天堂限定草莓奶油包.然後送左一個仲暖笠笠既綠茶紅豆牛角包比我. 嘩!好食到不得了. 外面脆脆,內面軟熟,紅豆不會太多剛剛好. 然後我又買了其他口味, 一共5 款口味,原味同埋番薯味沒有買. 買左朱古力和明太子口味.朱古力味濃郁,夾著朱古力塊在內,而明太子牛角包面上鋪滿明太子,好好味.味道濃郁咸咸的,個人口味特別推介明太子口味和綠茶紅豆口味牛角包. 回家上網看看原來這店最近先係橫濱開店,原來這牛角包來自福岡博多人氣牛角包專門店. 怪不得咁多人買. 買左包後仲可以選喜歡既貓咪紙袋. 原味¥55 朱古力味¥75 明太子味¥75 綠茶紅豆味¥90 蕃薯味¥83 Instagram : gopoke1 https://www.instagram.com/gopoke1/ FB: 新宿遊遊Tokyo FB 專頁: https://www.facebook.com/新宿悠遊tokyo GOPOKE1