由雪糕椰青店轉兩個彎,就到左第三站 — 耶穌聖心堂 (粉紅天主教堂)啦。 外牆係粉紅色既教堂喎!唔駛多介紹,黎到峴港,點都要黎睇下耶穌聖心堂。 簡單一句,打咭必到景點 (特別係女士們)。男士們要識做喇 (我喺現場見到各位女士都瘋狂了)。 E一帶除左耶穌聖心堂爆滿遊客外,附近仲有Han Market都長期人山人海。 點擊圖片放大 +3 E度有食物、衣服、鞋、日用品,應有盡有。(仲可以講價添) 在峴港市,除左Han Market,另一大市場就係Con Market。 但Con Market就離Han Market及市中心有一段距離。 而Con Market 對面就係BIG C,好適合臨離開峴港,去機場前掃返轉野食當手信派。 唔係黎過,都唔知峴港原來有咁多買野既地方。