[週末去邊好?] 觀塘美食尋找攻略 – 海濱花園靚景必去

又到星期六, 日啦, 有咩好做呢? 條街全部都係一式一樣既商場, 真係見到都覺得悶! 去離島渡假又好似有啲遠喎, 咁有邊到可以食下好野玩下呢?

有無諗過其實近近地觀塘都有好多野玩好多野食, 仲可以上埋全新船屋過個chill爆兩日一夜?

觀塘身為香港著名既工業區,除左有各式各樣既工業大廈,仲有好多隠世美食好去處架!

觀塘七、八十年代曾為工業重鎮,如今已搖身一變成為潮人大本營,匯聚全城趣怪活動、潮流咖啡店、文創小店同獨特室內運動場地,當然少不了各式頂級餐廳啦!

而家就等小編同大家一齊拆解點樣可以一邊嘆船屋一邊食盡同玩盡觀塘啦!

1. 觀塘海濱花園

當大家講起觀塘地標既時候, 唔知會唔會第一時間諗起觀塘海濱花園呢? 觀塘海濱花園前身為公眾貨物裝卸區,係一個用黎回收廢紙既上落貨區。海濱長廊長約一公里,除左可以遠眺港島東部美麗夜景維港全景及鯉魚門,仲可以比人遠離觀塘鬧市的繁囂。

長廊仲裝設左形態仿如起重機同廢紙束既獨特藝術裝置,紀念昔日裝卸區既歷史。裝置到左夜晚仲會亮燈、散發煙霧,照亮海濱長廊,用黎打卡一流

2. GoNature

如果你想發掘一啲新玩意, 唔知室內運動場又啱唔啱你呢? GoNature 係全香港最大室內攀石場,佔地6,500平方呎,設有唔同難度既石牆! 無論你係新手抑或係攀石達人,都可以享受攀石的樂趣。

場內有超過100條攀石路線及抱石關卡,並為初學者特設入門課程,另有兒童班/親子班,按此了解更多! 

3. 爆洩房Ikari Area

除左室內運動場之外, 觀塘仲有一個專係比人要黎發洩既地方! 香港人返工返學積積埋埋咁多壓力, 點都要搵個地方發洩曬出黎既! 爆洩房正好用黎比大家宣洩積壓已久既怒火。爆洩房鼓勵人攞起棍子將東西統統打碎,發洩負面情緒。

房間裏放滿舊洗衣機、雪櫃、大堆可以打碎的雜物,破壞過程非常過癮。如想了解更多, 可以按此查詢!

4. 海潮食堂

行完海濱長廊, 或者做完運動/發洩完, 總要食下好西好好咁補充下體力既! 觀塘身為一個著名既工業區, 係工廈入面緊係有好多性價比高隠世美食啦! 而海潮就係其中一間啦! 基本上每個係觀塘返工或者住既人都食過架!

佢地其中一個最出名既野食就係葱花蛋多士! 啲蛋加左奶落去炒, 所以特別滑同好味架!

另一個必食既就係五香肉丁麻辣撈通心粉配手撕雞! 雖然聽落好似有啲奇怪, 但一食落係異常咁夾同超惹味架! 絕對要叫黎食呀如果有機會去海潮既話!

5. 新匯聚餐廳小廚

如果海潮唔啱你食既話, 同埋你想食啲鑊氣小炒既話, 不妨試下新匯聚餐廳小廚呀! 同樣都係一間位於工廈入面既隠世食堂,絕對可以令你大開眼界!

小編既至愛莫過於佢地既蠔餅啦! 正宗大份夾抵食!鬆化香脆,仲可以食到一粒粒蠔仔, 認真足料呀!

除咗蠔餅之外, 佢地既話梅骨都好出名架! 醬汁酸甜開胃,肉質爽口,送飯真係無得頂!

睇到尼到係咪估唔到觀塘都有咁多野玩咁多好野食呢? 不過去曬咁多個地方食野同玩, 無個又舒適又方便既地方黎休息下點得呢?

有無諗過可以係超靚簡約風船屋住返兩日一夜, 咁咪可以玩得同食得更加鬆動囉! 想知更多關於尼隻船屋既資料同設施, 可以參考之前小編上船屋兩日一夜既實測!

上得船屋都有啲注意事項要提一提大家既, 所以而家就同大家講清楚, 以免上到船屋先搞錯就唔係幾好啦!

首先船屋停泊在觀塘避風塘, 所以我地係要從附近的觀塘公眾碼頭乘坐快艇/舢舨到船屋。 如果你係選擇搭地鐵既話, 從觀塘公眾碼頭, 步行到觀塘地鐵站大概11分鐘(800米)的路程, 所以好容易就會搵到架啦!

大家記得船屋既入住時間3:00PM, 而退房時間就係12:00PM, 預返好啲時間就玩得更加開心啦! 另外, 船屋上已經有資訊包提供, 好似舢舨/快艇既電話號碼, 屋主既聯絡方法, 同wifi既密碼都會係資訊包入面, 所以可以放心! 要注意! 舢舨服務只係check incheck out個程係免費, 之後每程係需要$50 HKD, 同埋此船屋是長期停泊, 不會出海, 所以如果係想搵一架會出海玩水上活動既遊艇既話, 我諗船屋就未必適合你啦!

如果想玩水上活動同出海既話, 可以參考下其他西式遊艇! 按此查詢

睇到尼到大家應該對船屋既認識加深咗既, 既然知多咗, 就快啲預訂尼架全新船屋黎返個觀塘兩日一夜staycation啦! 包你對staycation同遊船河有另一番體會! 按此立即預訂

唔想去觀塘? 香港仔一樣有超大超寬敞船屋!  按此了解更多

This entry was posted in 中國菜, 九龍, 好去處, 新界, 活動, 消閒, 香港, 香港 and tagged , , , , , , , , , , , , , , , , , , , , , , , . Bookmark the permalink.