[全港4個海鮮餐廳熱點] 內附交通+酒家推薦 (下)

上回講到兩個係香港食海鮮既好去處, 分別係南丫島鯉魚門! 如果以上兩個地方都唔岩你心水, 唔知布袋澳香港仔又岩唔岩你呢?

尼兩個地方同南丫島同鯉魚門一樣, 啲海鮮都一樣咁新鮮同出名! 所以大家不妨可以考慮去發掘下布袋澳同香港仔!


如果仲未睇上一集既海鮮酒家推薦+交通懶人包, 可以按此收看

想知點樣可以一分鐘內book好船出海開船P? 即睇船P格價攻略

想出海滑水但唔知點樣book快艇? 即睇快艇滑水book船攻略

想知香港仔除咗食海鮮仲有咩做? 即睇香港仔必食必玩推介

想知西貢有咩好去處係唔可以錯過既? 即睇西貢景點推介


布袋澳海鮮酒家推薦

大家可能對有袋澳比較陌生, 但其實布袋澳係西貢一個好出名既海灣黎架! 布袋澳屬於新界既一個海灣,因為三面環山,出海口較為狹小,外型看似布袋既樣子因而命名布袋澳! 相信大家都知西貢係出名食海鮮, 所以而家我地就為大家精挑細選2間必食海鮮酒家!

1. 發記海鮮酒家

相信入得西貢/布袋澳食海鮮既話都會知發記係有幾出名架啦! 係發記既門口可以見到好多明星藝人都有黎過食海鮮, 真係紅遍全港! 而且霓虹燈既招牌真係特別有風味架!

發記同一般既海鮮酒家一樣, 都係可以比客人自己揀選最新鮮最生猛既海鮮! 然後再揀點樣烹調!

招牌菜

但係有咁多好野食, 有咩係必食必叫架呢? 咁多款招牌菜入面, 小編覺得佢地既炒蟹真係無得輸! 又大隻又夠鑊氣, 真係食過返尋味架! 當然唔少得豉椒炒蟶子啦! 啖啖肉真係超滿足架!

2. 海鮮島海鮮酒家

如果唔想試發記既話, 不妨試下海鮮島海鮮酒家! 海鮮島海鮮酒家係布袋澳都好出名, 而且好似佢既招牌所講, 佢地係有墨魚刺身食架! 真係同一般既海鮮酒家好唔同架!

招牌菜

既然佢地係招牌都講到有墨魚刺身, 又點可以唔食呢? 晶瑩剔透既墨魚刺身超彈牙爽口, 絕對係必食必試! 除左墨魚刺身外, 佢地既熱炒海鮮都十分唔錯! 好似琵琶蝦咁, 雖然比龍蝦平, 但質感絕對唔比龍蝦差, 所以真係超值之選, 值得一試!

睇到尼到係咪好想即刻去布袋澳試下呢? 但係點先去到呢?

布袋澳交通指南

布袋澳位於西貢, 聽落好似好遠咁, 但其實都有巴士/小巴去到既! 如果唔想行咁多既話, 可以搭16號小巴直達布袋澳! 只要搭巴士/地鐵去到寶琳站, 就可以搵到尼架小巴架啦! 可以按此參考

但係就咁聽好似得小巴去到布袋澳喎, 如果咁啱走咗架小巴咪死? 其實如果想舒舒服服咁去布袋澳食最正最新鮮既海鮮, 順便睇埋維港兩岸既景色既話, 可以試下揀遊艇出海去布袋澳, 方便又快捷! 而且仲唔洗等黎等去, 超方便!

去布袋澳最舒適之選

通常去布袋澳食海鮮既船程大致會係首先係大家已選碼頭上船, 然後就會駛去布袋澳, 沿途仲可以欣賞維港既景色添! 大家可以因應自己想去邊間海鮮酒家而決定係邊到落船, 只要預先同船長講清楚就可以了! 好似啱啱講既兩間海鮮酒家都係好近布袋澳碼頭, 所以如果搭遊艇去既話, 就唔洗周車勞動, 可以一落船就食到最正最新鮮既海鮮啦!

其實有好多船都可以做到布袋澳海鮮之旅既路線 (路線N5), 而且大部分都唔洗另外加錢, 仲可以係市區上船, 真係好方便架! 如果唔知邊隻啱你既話, 可以睇下我地為你精選既船隻!

布袋澳海鮮之旅船隻推介

#SB01N – 最多可容納56人, 岩曬一大班朋友一齊出海食海鮮! 仲可釣墨魚, 符合各人既需要! 按此立即預訂

#LH03N – SPARTA 維港晚間豪華遊艇 – 2018全新遊艇, 超時尚同豪華客艙設計, 配上專業影音配套同高端餐飲配套, 令你係船上都可以有好似酒店般既享受! 按此立即預訂

香港仔海鮮酒家推薦

如果唔想去到西貢咁遠, 近近地係香港仔都有又出名又好味既海鮮食既!  其實香港仔係其中一個以前香港最主要既漁港, 係八、九十年代既香港仔避風塘,啲船泊滿曬成個海灣, 漁民們以漁船為家,當時既住家艇都唔少,從而建立起獨特既水上文化圈! 隨住時間變遷, 而家香港仔唔再係以前既漁港, 但係一樣盛產海鮮! 想知香港仔邊間海鮮最好食, 就要睇我地為你精選既海鮮酒家啦!

1. 珍寶海鮮房

作為香港最有代表性既水上皇宮, 佢地既海鮮同小菜都好出名, 有好多明星都係常客黎架! 所以如果有機會去既話, 真係分分鐘隔離就坐住個明星同你一齊食飯架! 除咗佢地既野食之外, 珍寶海鮮房既外圍都裝修得十分華麗, 因為珍寶海鮮房係以古代中國皇朝風為重心, 所以在它的外圍會輕易見到龍, 寶塔跟紅和金既設計, 更顯中國既古代美!

招牌菜

係咁靚既海上皇宮, 又點少得食超新鮮既海鮮呢? 小編覺得珍寶海鮮房既必叫菜一定係炒蟹! 又多肉又夠鑊氣, 絕對值得一試! 除左海鮮之外, 尼到既點心都好出名架! 全部都好精緻又好味, 必試!

睇到尼到係咪好想即刻去香港仔試下呢? 但係珍寶海鮮房係海中心點先去到呢?

香港仔交通指南

其實想去香港仔食海鮮都有好多唔同方法既! 同埋而家南港島綫通咗車, 搭地鐵就輕易去到香港仔啦!

唔搭港鐵既話, 都有好多巴士/小巴去到香港仔架! 詳情可按此參考

不過以上既交通方法都係無咩私人空間, 同埋都唔可以直達珍寶海鮮房, 始終珍寶海鮮房都係係海上面架嘛! 如果想舒舒服服咁去香港仔珍寶海鮮房食最正最新鮮既海鮮既話, 可以試下揀遊艇出海去, 方便又快捷! 仲唔洗再轉多程舢舨上珍寶海鮮房添!

去香港仔最舒適之選

通常去香港仔食海鮮既船程大致會係首先係逸港居(香港仔海傍道4,5號梯台), 然後就會駛去珍寶海鮮房, 真係方便又快捷架! 特別適合一家大細去食海鮮, 因為唔洗轉車又轉船, 直接去到餐廳門口食海鮮!

其實有好多船都可以做到香港仔珍寶海鮮房海鮮之旅既路線 (路線N6), 而且大部分都唔洗另外加錢, 真係好方便架! 如果唔知邊隻啱你既話, 可以睇下我地為你精選既船隻!

香港仔珍寶海鮮房海鮮之旅船隻推介

#LA12N – 市區高級西式遊艇, 入面既裝修超新超靚, 仲有各式各樣既娛樂設施比你用, 等你去緊南丫島既時候可以一路睇住維港夜景一路同朋友唱k! 按此立即預訂

#OM01N – 市區晚間遊艇, 20人出海食海鮮都係每位$280起, 絕對係超值之選! 按此立即預訂


相信大家睇到尼到應該好想即刻出海食海鮮啦! 如果啱啱介紹既船隻唔啱你心水, 可以上我地網站再睇!

我地網站上除左包船去食海鮮外, 仲可以包船開船P同去滑水架! 如想了解更多, 可以按此查詢!

This entry was posted in 中國菜, 九龍, 好去處, 新界, 時令, 水上活動, 消閒, 特色餐廳, 香港, 香港 and tagged , , , , , , , , , , , , , , , , , , , , , , , , , , , , , . Bookmark the permalink.