[全港4個海鮮餐廳熱點] 內附交通+酒家推薦 (上)

當大家講起係香港食海鮮既時候會諗起邊啲地方呢? 西貢? 南丫島? 鯉魚門? 但有無發現尼幾個地方都有個共通點? 就係全部都比較遠, 所以入去食海鮮都比較費時!

其實想係4個海鮮餐廳熱點 (南丫島, 鯉魚門, 布袋澳, 香港仔) 食新鮮既海鮮又唔想將太多時間用係交通上既話, 有無諗過舒舒服服坐住遊艇去食海鮮? 唔單只可以慳返搭車既時間, 仲可以出下海睇下夜景, 食埋超正既海鮮, 簡直係至高享受!


想睇布袋澳, 香港仔既海鮮酒家推薦? 即睇全港4個海鮮餐廳熱點(下)

想知點樣可以一分鐘內book好船出海開船P? 即睇船P格價攻略

想出海滑水但唔知點樣book快艇? 即睇快艇滑水book船攻略

想知南丫島除咗食海鮮仲有咩做? 即睇南丫島一日遊全攻略

夜晚想係維港欣賞兩岸景色, 同睇埋幻彩詠香江? 即睇夜遊維港推薦


南丫島海鮮酒家推薦

南丫島絕對係香港人其中一個最熱門渡假熱點, 每到假日都一定人山人海! 除咗清靜既環境之外, 南丫島之所以咁受香港人歡迎, 當然唔少得出名新鮮生猛既海鮮啦! 但係南丫島有咁多唔同既海鮮酒家, 邊間先最好食最新鮮呢? 所以我地精心挑選左2間南丫島海鮮酒家, 大家可以按照自己既需求同行程而決定去邊一間!

1. 天虹海鮮酒家

天虹海鮮酒家係1984年已經成立, 一路以黎都係南丫島其中一間最出名既海鮮酒家! 佢地有自己既魚缸, 咁客人就可以親自揀最生猛既海鮮然後即叫即煮, 保證新鮮! 

招牌菜

但有咁多款海鮮點知邊款最好食? 天虹有唔少招牌菜, 其中既牛油焗龍蝦,香濃牛油汁滲透龍蝦肉,惹味鮮香, 絕對係必食必叫! 仲有金黃香脆既椒鹽鮮魷,鑊氣十足既豉油皇海中蝦,肥大肉厚既蒜茸粉絲蒸扇貝,都一定唔可以錯過!

2. 威記海鮮酒家

如果係南丫島唔想去天虹海鮮酒家, 可以試下威記! 威記一樣都係南丫島既老字號, 基本上所有住係南丫島既人都唔會唔識架啦! 威記出名貨真價實,熟客極多, 所以大家可以放心去食啦!

招牌菜

除左海鮮之外, 威記既古法荔芋扣肉都好出名, 基本上去得威記都係必食必叫架! 肉質鬆軟,味甘香, 因為扣肉製作所用既時間極多,而且火喉要求甚緊,所以係屋企係絕對煮唔到架!

咁當然佢地既海鮮都好好食啦, 招牌菜有乾煎蝦碌椒鹽瀨尿蝦等等, 真係超惹味架!

見到啲咁吸引既海鮮係咪好想去食呢? 但係點樣去到都係一個問題, 因為畢竟南丫島都唔係一個離市區近既地方!

南丫島交通指南

而我所知, 去南丫島既方法只有一個, 就係搭渡海小輪! 不過其實渡輪班次都好頻繁, 大家都可以參考渡輪既網站睇準確既船期, 咁就萬無一失啦! 南丫島渡輪班次詳情: 按此了解更多

雖然搭渡輪都係一個唔錯既選擇, 但係始終都要等船, 自由度就無咁高, 咁咪唔可以玩得盡興囉! 試諗下如果一家大細去既話, 要等渡輪再行去食海鮮係咪好唔方便先? 如果想舒舒服服咁去到南丫島食海鮮, 可以參考一下坐遊艇去既路線! 大家可以揀幾時同係邊到上船落船, 唔洗再等黎等去, 仲可以沿途欣賞維港景色添, 真係好正架!!

去南丫島最舒適之選

通常去南丫島食海鮮既船程大致會係首先係大家已選碼頭上船, 然後就會駛去索罟灣或者榕樹灣, 沿途仲可以欣賞維港景色添! 大家可以因應自己想去邊間海鮮酒家而決定係邊個碼頭落船, 只要預先同船長講清楚就可以了! 好似威記咁, 係正索罟灣碼頭對出, 一落船就見到真係超方便!

其實有好多船都可以做到南丫島海鮮之旅既路線 (路線N3), 而且大部分都唔洗另外加錢, 仲可以係市區上船, 真係好方便架! 如果唔知邊隻啱你既話, 可以睇下我地為你精選既船隻!

南丫島海鮮之旅船隻推介

#LA12N – 市區高級西式遊艇, 入面既裝修超新超靚, 仲有各式各樣既娛樂設施比你用, 等你去緊南丫島既時候可以一路睇住維港夜景一路同朋友唱k! 按此立即預訂

#LE02N – 市區西式遊艇, 設有冷氣、麻雀、骰盅及音響系統, 仲具備高質卡拉OK系統及KTV燈光, 包你係船上面玩得開開心心先落船食海鮮! 按此立即預訂

鯉魚門海鮮酒家推薦

如果唔想去到南丫島咁遠既話, 其實鯉魚門都係一個唔錯既選擇! 鯉魚門過往既村民大部分都係農夫漁民,係去到60年代漁村先開始出現菜館並逐漸發展成為香港著名既海鮮美食村! 而家鯉魚門既海鮮美食村有好多唔同既海鮮酒家, 而大部分都可以比客人即揀即叫即煮, 保證新鮮!

1. 新興龍海鮮酒家

其中一間比較出名既海鮮酒家就係新興龍海鮮酒家! 大家可以係鯉魚門既海鮮檔到揀同買左自己想食既海鮮先, 然後再攞去海鮮酒家到加工, 咁就可以按照自己既喜好黎食自己想食既海鮮啦!

招牌菜

如果你唔知應該食咩既話, 可以考慮下食佢地既招牌蒜蓉蒸蟶子, 蟶子大隻多肉,爽口唔韌又入味, 真係一試難忘架! 必食必叫! 

蟶子唔啱你既話, 可以試下上湯焗龍蝦伊麵底, 伊麵盡索龍蝦汁非常好味,龍蝦肉鮮甜彈牙! 

2. 海皇園林酒家

如果頭先個間唔啱你心水既話, 海皇園林酒家又點睇? 海皇園林酒家既用餐環境相比起其他海鮮酒家裝修得比較高級, 入到去真係差啲以為自己去左啲高級餐廳! 海鮮都一樣係自己揀完攞返去酒家加工, 保證新鮮!

招牌菜

係咁靚既環境又點少得超新鮮既海鮮呢? 海皇既豉椒炒蟶子水準真係唔錯! 值得一試! 

仲有蒜蓉蒸帶子, 隻隻都超大超肥美, 名副其實既啖啖肉! 

睇到尼到係咪好想即刻去鯉魚門試下呢? 咁其實有咩方法去鯉魚門呢?

鯉魚門交通指南

想去鯉魚門其實都有好多方法既, 其中一個比較熱門又方便既方法就係搭地鐵啦! 根據地鐵既資訊, 只要搭到去油塘站再步行約5至10分鐘, 就會到鯉魚門海鮮美食村架啦! 詳情可參考港鐵網站

除咗地鐵之外, 都有好多巴士小巴去到鯉魚門架!

而且好多都係係市區上落, 都真係幾方便架! 按此了解更多

不過如果想舒舒服服咁去鯉魚門食最正最新鮮既海鮮既話, 順便睇埋維港景色既話, 可以試下揀遊艇出海去鯉魚門, 方便又快捷! 唔止咁, 大家仲可以有屬於自己既私人空間, 又唔洗等巴士或者驚走咗班小巴, 真係好正架!

去鯉魚門最舒適之選

通常去鯉魚門食海鮮既船程大致會係首先係大家已選碼頭上船, 然後就會駛去鯉魚門, 沿途仲可以欣賞維港既景色添! 大家可以因應自己想去邊間海鮮酒家而決定係邊到落船, 只要預先同船長講清楚就可以了! 好似啱啱講既兩間海鮮酒家咁, 都係係正三家村碼頭對出, 真係一落船就可以去食海鮮架!

其實有好多船都可以做到鯉魚門海鮮之旅既路線 (路線N2), 而且大部分都唔洗另外加錢, 仲可以係市區上船, 真係好方便架! 如果唔知邊隻啱你既話, 可以睇下我地為你精選既船隻!

鯉魚門海鮮之旅船隻推介

#LA10N – 市區高級西式遊艇, 超大超寬敞, 仲有齊不同既娛樂設施啱曬一家大細出海食海鮮! 按此預訂

#KA01N – 市區遊艇, 可容納40人, 同一大班朋友出海食海鮮都只係$169/位起! 絕對係超值之選! 按此預訂!


相信大家睇到尼到應該好想即刻出海食海鮮啦! 如果啱啱介紹既船隻唔啱你心水, 可以上我地網站再睇!

我地網站上除左包船去食海鮮外, 仲可以包船開船P同去滑水架! 如想了解更多, 可以按此查詢!

This entry was posted in 中國菜, 九龍, 好去處, 新界, 時令, 水上活動, 消閒, 特色餐廳, 香港, 香港 and tagged , , , , , , , , , , , , , , , , , , , , , , , , . Bookmark the permalink.