人人都睇紅葉,你估人人都想睇紅葉咩! 作為一個去日本去到好似返家鄉咁嘅香港旅人,睇紅葉睇到悶? 咁不如睇下呢d一個個超可愛嘅紅波波啦~ 請給我一個 like :) Thanks! My Facebook Lazy G. Lazy Place LAZY G 帶大家去東京鄰近嘅茨城日立常陸海濱公園,呢個公園相信大部份旅人都唔陌生,每年5月嘅粉碟花吸引唔少旅人去打卡。呢遍咁靚嘅藍色花海,一去到10月中旬就係3萬2千幾棵嘅紅色波波掃帚草(コキア)天下啦~ 而且東京去茨城日立常陸海濱公園嘅方法非常簡單,如果你住喺上野就啱哂! 交通方法如下: JR上野坐常磐線特快列車「常陸號」或是「常磐號」到「勝田」站 (約100mins) JR 上野至勝田 (好似LAZY G 咁, 買定pass 再mark 埋位,咁就唔怕到時無位坐) 2. 勝田站東口2號乘車場轉茨城交通巴士「海浜公園方面行」(約20mins),於「海浜公園西口」或「海浜公園南口」落車 巴士唔可以用西瓜卡,記得要買定票呀~ 去到公園門口買公園入場券,藍色花海真係好靚呀~ 入到公園直接行去到見晴之丘就可以見到呢d 咁療癒嘅紅波波啦~ 圖片攝於2016年10月中,當時已經有好多遊客(好多香港人)~ 不過點都就到位影無人嘅呃like相嘅~ 除咗重點推介嘅紅色波波,公園入面其實仲有好多花睇,風景一流~ 有時間仲可以去埋另一面嘅摩天輪 如果今年秋天你去都東京,你一定唔好錯過,今年嘅掃帚草開始轉紅啦 想知今年嘅實況可以去呢度睇睇:https://www.facebook.com/茨城觀光-323890404428705/ 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place