事隔幾個月,終於再「執筆」分享濟洲行 ~ 睇返D相,真係好掛住濟洲一事一物。 按我重溫< --- 東門在來市場 按我重溫< ---濟州機場廉航初體驗 請給我一個 like :) Thanks! My Facebook Lazy G. Lazy Place 相信大家對韓國護膚品牌Innisfree 一d都唔陌生,一系列綠茶護膚品深受用家歡迎。既然嚟到濟洲,當然要去佢嘅基地 – Innisfree Jeju House朝聖一下。 Innisfree Jeju House位於濟州島西部西歸浦市,屬於韓國最大護膚公司AMOREPACIFIC旗下嘅品牌之一,集團仲有大家好熟悉嘅O’sulloc綠茶,所以嚟到呢度你就會發現Innisfree Jeju House + O’sulloc綠茶博物館係起埋同一個地方。 首先去濟州市外巴士站搭英語教育都市(영어교육도시)755號巴士,搭到오설록歐雪綠站落車(車程約50分鐘),落車右手邊就係一大片綠茶園,忍唔住影返D相 XD 如果好天氣,藍天下加上廣闊綠色,真係好靚架! O’sulloc綠茶博物館 顧名思義,呢度係一個比大家了解綠茶種種歷史及故事嘅地方,而且,仲有好多品種茶葉產品出售,方便大家一次過買手信tim XD 入面有好多唔同種類嘅茶葉,買之前可以聞清楚個味道先決定啱唔啱自己。 另一個Check point,當然係濟洲必食O’sulloc綠茶甜品啦!雖然首爾都有分店,不過個人認為濟洲總店比較好食wo! (心理作用好似新鮮d) 左邊嘅綠茶卷,入面豐富嘅cream好軟滑,唔會太過死甜,食完一個仲想再食 XD 右邊嘅杉然茶雪糕,淡淡茶味一試難忘,係一大SURPRISE,所以我就買咗一盒杉然奶茶返香港,回憶一下呢個特別嘅味道。 呢度人比較多,雖然已經係平日去,但係排隊、搵位都需要少少時間同耐性。 Innisfree Jeju House 行完綠茶博物館,就會去到另一個Check point — Innisfree Jeju House,不過,呢度嘅護膚品唔係重點,如果想入貨出返去市區買比較好,除咗優惠同samples比較多之外,仲唔洗拎餐飽。 可能你會問:「咁市區都有Innisfree,仲咩要山長水遠嚟呀?」 小G話你知,你可以起Innisfree Jeju House買到濟洲限定產品,同埋可以親手製作有機梘,仲有唔少得嘅係Innisfree Café,望住片片綠茶園歎餐點,真係好梳乎! Must Try Item 1: DIY有機梘 店內備有3款DIY有機梘套裝,分別係綠茶 - 抗氧去黃、火山泥- 淨化吸油、柑橘 -溫和美白,大家可以憑喜愛選擇啱皮膚嘅套裝。 打開套裝,會有3塊白色soap base、3包綠茶/火山泥/柑橘粉末、包裝紙、包裝貼紙、濕紙巾、皮繩(穿起小袋用)。先將soap base搓軟,然後加入粉末搓勻,再捏成自己鍾意嘅形狀,你仲可以用店入面提供嘅模具同塊梘裝飾,再用珍珠粉印上心水文字,包裝好之後,就係屬於你自己嘅有機梘啦! 做完嘅梘建議1年內使用,適用於面部和身體,送比朋友做手信,唔怕比人話Hea啦 XD 由於DIY需時,大家最好留多D時間起度慢慢玩啦!慢手慢腳嘅我,用咗1小時整3粒梘,雖然有少少攰,但係都幾有趣嘅。 如果無時間即場整,你可以買一個禮品包返屋企慢慢整,不過就無咁多裝飾模具用啦~ Must Try Item 2:Jeju House限定 雖說唔洗起度買護膚品,不過愛Shopping嘅就可以留意一下店內限定,就好似呢款泥mask,可以將自選粉末mix埋起泥mask入面使用。另外,仲有一d 小文具同postcard 都係獨家。 Must Try Item 3:DIY Postcard 估唔到DIY有機梘之外,仲可以DIY Postcard,店內提供濟洲特色嘅印仔,比大家自行發揮印出獨一無二嘅Postcard,整完可以去市區買郵票寄比朋友,係唔係好有心思呢? Must Try Item 4: Innisfree Café 行到攰又係時候休息下,旁邊嘅Innisfree Café主要以輕食為主,最吸引我嘅就係飲品,2杯以分別以檸檬、西柚做成嘅飲品有外又有內,酸酸甜甜仲好解渴。此外,是日tea set 入面有湯、蒿麥麵、韓式飯團、熱狗,望住靚景食嘢,心情大好 :) Special Check Point: 李敏鎬樹 睇到呢度,係唔係好心急想知李敏鎬樹起邊呢?大家玩完以上景點之後,出返去落車嘅巴士站對面,你會見到2個大茶具,行入去就見到李敏鎬樹啦~~ 影完相之後,起大茶具左邊個巴士站等車,就可以出返去市區啦 ~ 提提大家,去呢度嘅巴士好疏,1小時一班,記得留意定時間呀~ 是次戰利品: Innisfree items O’sulloc除咗綠茶之外,原來仲有一系列基本護膚品,買咗支hand cream試用,保濕得嚟又唔笠,唔錯呀(唔太記得價錢,好似約HK$50/50ml) 有機會嚟濟洲,絕對要留返半日去呢度玩,relax得嚟肚皮又好滿足~ Where to: O’雪綠綠茶博物館 + Innisfree Jeju House 地址 : 제주특별자치도 서귀포시 안덕면 서광리 1235-3 營業時間:AM 09:00 ~ PM 6:00 (10~3月營業時間至PM5:00止) 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place