Lazy G 上文提要:多得廉航,令香港人多一個機會可以直航去濟州,到底呢條新新地航線好定唔好? 今云終於分解! 請給我一個 like :) Thanks! My Facebook Lazy G. Lazy Place 自從睇得韓國綜藝節目多,就已經好想去濟州,風景靚之餘仲有片片黃色油菜花,於是當上年夏季,HK Express 首賣直航濟州機票,當然心思思去買定今年4月機票(來回+25kg行李+稅約HK$1,600) ,滿心歡喜咁期待住。 離出發時間仲有一段時間,所以當時出嘅航班Code係 UO1676,去程時間係HK 時間02:05am,回程係韓國時間07:00。其實我覺得時間麻麻,不過無法,坐得廉航就預咗,點都有D取捨,幸好天生唔洗點訓都有精力,一來一回6 日時間,玩濟州足夠有餘。 後嚟到今年初,收到UO email通知,航班Code由UO1676改為 UO676,航斑時間一樣無影響。睇網上d人講,如果航班code係 1開頭,即係預售機位,意指當時航空公司係仲未租用到跑道。(唔知係唔係真呢?) 由出發到回程,都有2件事想同大家分享,呢個經歷對你有無用,就由你自己判斷啦。 出發篇 當晚機位竟然超賣,去到check in竟然問我: UO: 我哋今晚超賣,有團跟機,所以都循例問下你哋呢d散客想唔想轉飛去首爾轉機? Lazy G:唔想!(意志堅定)⋯⋯ UO:我地會賠返二千幾蚊比你喎! Lazy G:唔要!!!! UO:即係一定直飛濟州? Lazy G:係!!! 有時去旅行時間就係金錢,即使比二千幾蚊,有免費車同酒店我都冇用,行程打亂的話得不償失。 如果你即將坐UO,建議你早d check in, 如果咪連拒絕機會都冇呀。(除非你唔介意轉機,改飛目的地) 祝君好運! 回程篇 1.摸黑入機場 正如前文提及回程係韓國時間07:00,一如以往坐飛機習慣早2小時去到機場。於是04:30am起酒店出發(蓮洞區),Call的士去到機場唔洗10mins,如是者約04:45am到達機場,竟然發現成個濟州機場係黑黑一片,摸黑落車之際仲發現的士落客區個gate出入口無開,於是就拎住行李起馬路行前少少搵出入口,呢個經歷都幾得意。 2.check in 完 未過得關? 5am前去到機埸,check in櫃台仲未開,等咗一陣韓國櫃台小姐先開始處理check in,唔洗排隊情況下就完成手續,點知櫃台小姐話海關6am先開始辦公,於是就起大堂坐近1小時。 期間見好多人起海關陸續排隊,人龍愈嚟愈長,再望下航班,原來當日0600-0700am 有4班航斑飛去中港台澳。咁0600斑次嘅乘客等0600海關開工,咪即係要連人帶跑上機?真係好唔make sense wo,心入面暗自諗好彩我係0700斑次。 但愈坐愈唔對路,點解過咗咁耐,條人龍去得咁慢嘅?(原來係開得2,3個counter), 去到呢一刻開始意識到唔怪之得點解咁多人0500am就要排定隊過海關,如果咪真係無可能上到機。於是0600am我開始去排隊等海關,等到0630仲未排到,心入面有少少急(boarding time 06:40) 。但排隊期間發現其實有好多同我一班uo嘅客先岩岩check in,佢地見人龍咁長都有問海關可唔可以入去先,當然海關係say NO...一視同仁,排隊吧! 3.無時間最後衝次!? 終於過完海關,鬆一口氣! 一入出境大堂會見到免稅店,無錯,價錢好平,但...死心吧。因為當時已經0640am,去埋洗手間就要boarding,仲邊有時間慢慢睇? >< " 另外,無錯機場係可以比你搞退稅、可以提取起樂天買完嘅戰利品,但,同一原因,又點會有多餘時間? 再次死心吧....... 總括以上經驗,其實又唔關UO事,只係海關辦公時間同航班時間太相近,所以如果你想搞退稅、提取戰利品、行免稅店,真係要6點前好企定定排隊等過海關,唔好好似我咁傻傻不知坐定定... 即使早到機場都係無用。 不過真心講,UO有直航去濟州,真係好方便,價錢合理,當日仲好好彩無Delay嘅(去旅行最掃興係呢樣吧) 順提一提,回程坐右手邊仲有機會睇到濟州全景(視乎航線、天氣)~ 希望大家下次旅程愉快! 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place