再續宜蘭、礁溪、羅東、梅花湖、台北7天精華遊Day 6行程,是日行程比較文青,去台北2大文創區,又食又玩又買又影,啱哂情侶/朋友同遊。 請給我一個 like :) Thanks! My Facebook Lazy G. Lazy Place Day 6-西門町-信義101-四四南村-好丘-華山1914創意文化園區-瘋麻辣頂級鴛鴦麻辣火鍋-西門町商圈 旅程第6日係起台北嘅第2日,先去附近食早餐。由於當日比較早,約10:30am,好多食店都未開,隨便入咗一間小店食咗小小野,再去埋86小店買skincare之後,就出發是日嘅藝文遊。 86小店推介: HANAKA 花戀肌模特兒美足貼(NT 99/6片/86 Shop) (Click 重溫<- 2014年介紹過) 韓國April Skin Magix Stone (韓國blogger 大力推介,洗面好乾淨,大大舊可以用好耐) 1028睫毛膏 美國花蕾潤唇膏(相比起香港平好多好多) 放好戰利品,就由西門坐捷運去到市政府站,先去新光三越A8館,搵我嘅心頭好奸夫仔craftholic(台灣叫法係宇宙人),然後去101 地庫超市行一圈,買下手信。呢度嘅店都好集中,買手信好方便,比較出名嘅糖村、微熱山丘、台中裕珍馨等,無論係傳統同新興嘅手信都可以搵到,一次過買,慳返好多時間。 食咗一份原片無切開嘅甜不辣,幾好味。 仲去埋位於信義區嘅龍貓吉卜力專賣店「橡子共和國」行一圈,比香港嘅大,仲多咗個展覽位。 點擊圖片放大 之後,就行去附近嘅四四南村,如果想坐車,可以去捷運101/ 世貿站,Exit2 左轉步行約3分鐘就到。 四四南村係一個保留昔日眷村,再經改建嘅公園、眷村文物館、餐飲地方,影下相、參觀一陣之後就去咗入面嘅好丘食出名嘅Bagel貝果。 點擊圖片放大 貝果2人拼盆嘅醬有咸有甜,Lazy G就比較鍾意咸嘅口味。不過,甜味果占都好味,其中一個橙味果占好Fresh! 食完之後,出發去下一站華山1914創意文化園區,呢度係一個提供比藝文者嘅藝術展覽、音樂表演等嘅場地,亦係一個個影相靚位。 點擊圖片放大 去到當日,日本經典恐怖漫畫大師伊藤潤二全球首個展覽、柯南漫畫展覽亦係呢度舉行,吸引長長嘅人排隊,行到天黑,本來Plan咗去附近食火鍋,但係由於係聖誕節再加無book位,每一間都係過其門而不入,唯有由東區返返去西門町再搵食。 伊藤潤二全球首個展覽 伊藤潤二全球首個展覽 終於搵到一間起萬華區嘅瘋麻辣頂級鴛鴦麻辣火鍋,仲要好好彩walk in 就可以啦,雖然價格比知名嘅馬辣火鍋較貴(約NT$700/HK$180),不過佢勝在火鍋前會上一個花雕雞鍋,而呢個雞鍋味道係唔錯嘅。食完雞,店員就會幫你換上火鍋湯底,開始打邊爐啦。 Order咗嘅係店員推介嘅美人鍋,入面大大舊嘅係膠原湯底,而另一邊就係麻辣鍋。店嘅食物總類有好多,最吸引我嘅就係蛤蜊啦!同起宜蘭一樣,我又食咗好多,真係好鮮味,想蛤蜊入口滑d,就唔好滾太耐啦!另一個賣點係佢好多點品,同埋日本明治雪糕、雪條。(掛住食,無影到相 XD) Where to: 台北市萬華區西寧南路159號(西門町) 食飽之後,又行下西門町,仲唔覺意去咗One Piece精品專賣店,是日行程完結啦! 點擊圖片放大 +2 店內好多POSTCARD Where to: 台北市萬華區武昌街2段118-2號 男士們如果想買Nike,可以去西門蛾眉街Nike shop,D款都唔錯,仲比較多款。 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place