農曆新年好快到,當然要過得喜氣洋洋! 作為一個玩樂份子,嘉年華又點會錯過? 請給我一個 like :) Thanks! My Facebook Lazy G. Lazy Place 早前參加U Lifestyle嘅活動,有幸被邀為VIP,可以瘋狂玩轉東華慈善嘉年華,除咗有機動遊戲、攤位,Lazy G最期待就係可以睇英國皇家雜技馬戲團, 呢個節目真係好加分。 當日喺油塘坐免費穿梭巴士,大約15分鐘就到達場地。換完門票、遊戲卡就出發啦! 第一個吸引我嘅目光就係超越紐約滑梯($40 一次),立即去玩! 玩後感:好刺激、好開心、滑落嚟好快,好玩到玩咗2次~ 之後起嘉年華行一圈,睇下有咩攤位,玩咗放飛標、碌波仔等等,一並帶走5隻戰利品。(開心) 最鍾意係呢個碌波仔($20次),感覺好療癒,撞下運氣~ 贏咗3個emjo公仔。 由於唔太鍾意玩機動遊戲,所以都係睇人玩、感受一下氣氛。 其中一個最注目嘅機動遊戲係陀飛輪,由於要$120次,所以玩嘅人唔多。而我就仲玩咗碰碰車($50次),撞撞下,好High ~ 點擊圖片放大 +3 2層的旋轉木馬,夜晚好靚。 至於我最期待嘅英國皇家雜技馬戲團,整個show 大約1小時15分鐘,整個表演好刺激緊湊,我最鍾意就係來自哥倫比亞的表演團隊嘅死亡之輪,其中2位表演者仲蒙頭表演,我起下面睇都心驚驚,真係好刺激。 點擊圖片放大 +4 部分圖片,其他有咩? 自己入埸睇下 :) 加上英國頂尖小丑Chico Rico嘅氣氛帶動,整個Show好歡樂,當晚我仲比Chico Rico帶咗上台,玩得好開心、第一次睇馬戲,真係好難忘。(真心欣賞整個表演、英國皇家雜技馬戲團嘅表演真係相當出色,好值得睇,超精彩! ) 點擊圖片放大 +2 東華慈善嘉年華除咗玩,仲可以為慈善出力,收到最新消息係免費入場,仲可以買埋無限任玩門票,任你點玩都得,留意返佢開到今年3月28日咋。 詳情:www.facebook.com/twcarnival 英國頂級雜技團Royalles British Thrill Circus詳情: 日期:23/12/2015-28/2/2016(星期一休息) 價錢:VIP $480 / A區 $290 / B區 $240 / C區 $180 購票網站:www.ticketflap.com Where to: 免費穿梭巴士205R:油塘地鐵站A2或B2出口 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place