天氣反常,今年冬天特別暖,想睇紅葉?應該未有耐…… 未有葉睇,不如賞住花先,原來冬日下嘅花,都可以好盛放。 請給我一個 like :) Thanks! My Facebook Lazy G. Lazy Place 第一次嚟到迪欣湖,感覺好清新,除咗鏡面湖及大大片青青草地,又點少得11月遊迪欣湖嘅重頭戲 — 美人樹?今年美人樹已經開咗啦! 美人樹與木棉同科,學名係絲木棉,每年11月中就會開花,花期約3個月。由於盛放時滿樹粉紅,絢麗得嚟好似美人開花,因而又有「美人樹」之稱。 厭倦香港人多車多,花一個下午嚟野餐、踏踏青、泛下舟、影下相、賞下花,絕對係週末好節目。迪欣湖空間感十足,環湖步行大約一個鐘,好適合一家大細或一班朋友踩下單車,寧靜嘅環境,的確可以排走工作帶嚟嘅負能量呀! 點擊圖片放大 呢度亦係近年婚照熱點,我嘅奸夫仔當然唔執輸。 今年美人樹已經開咗2星期,但拍照當日所見地上已經有好多落花,想欣賞佢最靚一面?唔洗怕,花期有3個月,大家要抓緊時機啦。 獨特設計,形成一個天空之境,亦係影相熱點。 迪士尼站行去迪欣湖約15分鐘,提提大家,如果唔想行就可以起迪士尼站坐R8巴士,慳返腳骨力起迪欣湖慢慢再行過啦。 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place