正值郊遊旺季,Facebook被一張張打卡相洗版,但同時更有好多感慨。之前有報導話大東山已經滿目瘡痍,爛頭營石屋恐怕會被企上屋頂嘅遊人破壞,唔通我哋嘅熱情,不斷侵蝕梗寧靜嘅大自然? 請給我一個 like :) Thanks! My Facebook Lazy G. Lazy Place 今年,再無勇氣力行氣登上大東山,唯有睇人地嘅開心sharing,但已經唔再係一年前嘅大東山,眾多遊人帶來垃圾,山頭已經唔再寧靜,有人仲形容佢好「旺角」。而且,早前新聞話有諮詢,想將大東山好好發展,同時興建登山纜車…睇到咁,總有少少心痛。(拜託,請不要成真!請保留大自然原貌,好嗎?) 大家登山時,可唔可以比返少少公德心,垃圾自己帶走、唔好跳上屋頂、唔好起山頭炸機?唔好隨意折斷一草一木呢? 除咗大東山,個人認為塔門都係近日一個潮點,但同樣地覺得佢開始「旺角」了。 一年前嚟到塔門,第一次見識呢個香港後花園真係好震撼,水好藍好清,草地嘅草好茂盛,遊人唔算多,唔洗排隊就可以食到出名嘅海膽炒飯。(按我重溫 --- > 初遊塔門) 。但一年後重遊塔門,有少少感慨,水無咁清,海岸邊滿地垃圾,遊人勁多,草已經變少並露出黃土。想食海膽炒飯?排哂長龍…… 想起海邊靜下?你會聽到好多人聲。 塔門遊人愈來愈多 一年前風箏無咁多咁密,一年後放風箏好易同另一隻風箏撞上 一年後岸邊好多垃圾 一年後草變小,牛牛唔夠食,開始搶遊人嘅食物 還好日落美景不變... 出名嘅海膽炒飯至少幾十人排隊,但座位有限,想食?等1小時吧.... 當然我唔會等,去另一間遠少少的小店,但都要等3,4個字,還好鮮炸墨丸好好味。 仲有喜愛的冰菠蘿,$8一片其實好貴。 重遊過後,心痛感覺又上心頭。 到底我們的熱情,係唔係真係會令美景不再? 愈多的文字介紹,真係會帶來更多的大自然傷害? 如果係咁,樂土會變少,但再無文章介紹,遊人又似乎少了樂趣。 其實只要有公德心,開心Share並唔係一個問題。 你認為呢? 見到呢片無咩草嘅地,心痛死了,塔門英文又叫Grass Island,希望佢真係綠草常在啦! 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結 請給我一個 like :) Thanks! My Facebook Lazy G. Lazy Place