圖/文:女遊俠 平、快、靚、正短途旅行,一定係港人最愛嘅泰國。喺曼谷,除咗翟道翟、SIAM Paragon、水門市場、考山路、Terminal 21、呢啲去完又去嘅景點,愈來愈多遊客向已經沿BTS Sukhumvit 線向東玩到Phrom Phong、Thonglo、Ekkamai,除咗因為Emquatier, Emporium呢啲大型商場喺度落地生根(形成所謂EM District),唔少特色新潮小店亦都為呢啲地方開枝散葉,正當大家期待緊The Mall Group 第三個最大型商場"EmSphere"喺2020年開幕,呢個地區未來繼續會成為港人熱門到訪之地。就等女遊俠同大家分享下呢一帶嘅潮玩路線圖! SHUGGA 27 The Residence at 61 Bldg 61 Sukhumvit 61 Alley, Watthana, Bangkok 10110 女遊俠介紹嘅呢間SHUGGA甜品屋,鄰近日本Expat聚居既通羅街 Thonglor Road 55,雖然喺Thonglor BTS station步程較遠,但亦無損前嚟潮拜嘅人,係好多泰國學生同韓國遊客嘅IG打卡嘅熱店。消磨下午時光、嘆個美味甜品嘅好選擇。 Escape Bangkok 5th Floor Emquartier, Khlong Tan Nuea, Watthana, Bangkok 10110泰國 Escape位於Phrom Phong BTS站Emquartier 5樓,係一間高級酒吧,提供露天及半露天座位,酒精及非酒精飲料,亦有小食及飽肚食物。適合情侶及巴打閨蜜。現場目測不乏本地潮人及西方型男索女,至潮一族必到! re:leaf Spa & Massage 8/7, Sukhumvit 28 Alley, Khlongton, Khlongtoey, Bangkok 10110 去泰國旅行,按摩一定唔少得。個個都問,除咗Let's Relax, Health Land 呢啲老牌子仲有乜選擇?其實曼谷有好多新興小店等大家發掘,女遊俠可以介紹下呢間re:leaf係2019年全新開業嘅Spa店,位於Sukhumvit 28,距離Emporium只有5分鐘步程。店內乾淨企理,環境相當舒服,有兩層高嘅植物牆,有鬆弛嘅投影區,夠晒Gimmick,啱晒新潮一族!上Facebook可以獲得最新優惠資訊同預約。 Facebook: https://www.facebook.com/releafspa.co/