我同朋友都好中意食台灣菜,見到呢間餐廳既評價唔錯,就約埋一齊去喇~~有好幾樣野都想食呀~~ 菜脯蛋披薩 $48 第一次食咁厚身既菜脯蛋,十足十一個小pizza,圓圓既金黃大餅,賣相吸引,外皮香脆,入面濕潤軟綿,全是滿滿既咸菜脯,好岩送飯食! 三杯雞套餐 $69 套餐有3杯雞,肉燥青菜,白飯同飲品,價錢黎講幾抵食! 青菜有啲肉燥粒,肥瘦適宜,令到普通既青菜更惹味! 3杯雞香濃惹味,煮到好入味又唔會過咸,雞件仲幾嫩滑,仲有啲菇粒,好快就食晒碗飯! 蚵仔酥 $48 蠔仔份量幾多呀,香脆,但調味唔夠,咸少少會比較好~ 台式炒米粉 $48 用左比較幼身既新竹米粉去炒,有少少芽菜、紅蘿蔔絲、肉燥等,食到中間會覺得有D dry,唔夠味><配菜多少少就好喇~~ 食物質素不錯,同朋友都食清光!! 不過珍珠奶粉就甜左少少>< 餐牌 點擊圖片放大 +8 餐廳資料:好媽媽台灣館 地址:太子荔枝角道100號金鳳樓地舖 __________________________________________想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet