對上一次黎勝香園差唔多係3、4年前既事,今日再度探訪,依然覺得呢度唔好搵,要行條大大既斜路先到,所有既佈置完完全全就係香港既風味~~12:00左右到達,唔洗排隊住但就等左陣先有位,到我地坐低,就已經有條條長長既人龍如果黎食,要預番D時間排隊,同埋所有野食製作需時,趕時間就留番下次先去:) 地道既香港風味,典型大排檔 以大排檔形式做既食肆,正宗既日曬雨淋,坐既位置仲係斜斜架,而家應該冇咩鋪頭係咁,我覺得黎呢D地方食,絕對唔可以介意佢既衛生。 餐牌 餐牌有D舊,附有中、英文菜單,在場來吃的也不乏遊客 煙肉火腿蛋通粉($39) 煎雞蛋還是半流心既狀態,而識食既一定要揀通粉,只因通粉內外都會掛滿蕃茄湯,蕃茄湯應用左蕃茄糕同大量新鮮蕃茄而成,香濃酸甜既蕃會令你我一試難忘~ 同行友人揀左公仔麵,不知何解,通粉既蕃茄湯比公仔麵既濃得多~~所以還是乖乖揀番通粉吧.冬天黎食,愈食愈熱,我諗夏天黎食會熱到出晒汗~~ 檸蜜脆脆($13) 擺放得好似米奇老鼠既形狀,好可愛,究竟係有心定無意咁放架呢?我認為除左蕃茄通之外,另一樣必叫既野就係檸蜜脆脆,冇食過就唔算去過勝香園~就好似去澳門唔去大三巴就唔算去過澳門一樣既道理~檸蜜脆脆甜甜酸酸,味道富層次,麵包還是脆脆地~不錯,我很喜歡 店舖資料: 勝香園 地址:中環美輪街2號排檔 電話號碼:2544 8368 營業時間: 星期一至六: 08:00-17:00 星期日及公眾假期: 休息 _____________________________________________________________________________ 聯絡/邀請 Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/