【飲食】不錯既烤鴨 @ 金公館

早排去咗太古探屋企人,表哥話金公館唔錯,所以我哋一齊去咗金公館食晚餐(〃∀〃)



蒜泥白肉好惹味,每一片既五花腩厚度一致,中間卷住青瓜片,所以口感好豐富,醬汁好開胃,蒜蓉味好香,雖然對我來講有少少辣,但會好想再食~(^_っ^)




.炸饅頭睇落好普通,但整得好好食ヽ(✿゚▽゚)ノ!!!


饅頭外層金黃,咬落去有少少酥脆,但入面仲好軟熟,而且一啲都唔油膩,要點好多煉奶食~~


椒鹽鮮魷香脆邪惡,魷魚嘅炸粉幾薄,所以唔怕食到成口粉,魷魚彈牙,味道吸引,咸咸地好滋味,不過怕熱氣,就唔敢食太多喇ε٩(๑> ₃ <)۶з





我哋仲叫咗半隻北京烤鴨,烤鴨嘅配料有好多,例如有青瓜條,京蔥絲,蜜瓜條,西芹絲,甜麵醬,冰梅醬,麻醬同桂花醬,可以整出唔同嘅配搭,一定有一款鍾意,北京烤鴨皮香肉嫩,外皮頗脆,味道香濃,加上青瓜就可以解油膩,京蔥絲令味道更濃郁,西芹爽脆,蜜瓜條清新,冰梅醬甜甜酸酸,都可以減去油膩感(✪ω✪)






我地另外加左生菜包鴨崧,用西芹、蘿蔔同鴨肉粒粒炒成,用西生菜包住食,口感比感有咬口爽脆,而且都幾香,不過就略嫌油左少少(๑´ㅂ`๑)




總括黎講,呢間中菜都唔錯,下次同屋企人可以試其他菜~


金公館

地址:太古康山道1-2號康怡廣場3樓T4號舖




想知多d有咩好食好玩同扮靚既資訊,快d follow我下面其他channel啦:)聯絡/ 邀請/ 合作試用:



Email: puishanlee0429@gmail.com

Facebook: 娜娜飄流記 Nana’s diaryyy|Instagram:nanapuishan|Openrice:Foodsharingnana |UblogBlogspotTheZtyleWeShareBeauty ExchangeQoozaPixnet | Girlab

This entry was posted in 中國菜, 家庭聚會, 香港 and tagged , . Bookmark the permalink.