前排見到ig有好多foodie話筲箕灣新開左間日式燒肉專門店「激安燒肉工房」, 影個九宮格燒肉拼盤好吸引~ 所以就專登同食肉獸小妹黎黎試下~ 注意:餐廳只收現金! 餐廳位置係筲箕灣地鐵站和西灣河地鐵站嘅中心點, 從地鐵站行過嚟十分鐘左右, 唔想行嘅話可以搭叮叮,都算方便易找。 一睇門口嘅poster就知道餐廳有幾黃啦! 點擊圖片放大 餐廳有跟足政府嘅食肆人流管制, 進入餐廳前先量度體溫,亦有提供消毒潔手液,枱與枱之間最少要有1.5米距離。 環境都幾闊落,坐得幾舒適。 Scan QR code就可以落單,簡單又方便~ 肉類嘅選擇豐富, 單講牛肉已經超過十幾種, 海鮮睇落好新鮮~ 全部都只係$28一款,數量有限,售完即止。 而家SAPPORO生啤仲做緊買一送一優惠, 食燒肉梗係配啤酒啦! 牛肉太多款式唔知食咩好? 就可以揀九宮格牛肉拼盤! 九宮燒牛盛合 ($288) 有齊9款不同部位嘅牛肉: 草飼牛牛肋肉、黑毛牛小牛排、一口牛梅花 (自信紫蘇漬)、美國頂級Prime牛小排、A4宮崎和牛牛頸脊、穀飼牛霜降、安格斯牛仔骨、厚切牛舌和安格斯牛三角, 不過強烈建議店家可以參考下日式居酒屋咁加返啲label比牛肉, 如果唔係都幾難估到咩部位打咩部位, 想再encore都唔知點order。 A4宮崎和牛牛頸脊 有着雲石般細緻嘅油花紋理, 筋肉間帶網狀細小脂肪,入口肉香軟嫩~ 厚切牛舌好重本, 厚切口感爽彈,肉香十足! 一口牛梅花 (自信紫蘇漬) 紫蘇嘅口味幾鮮香,幾特別,值得一試! 我地仲因為期間限定優惠價追加左鹿兒島A4和牛西冷, 一客有兩塊, 雖然係薄薄兩片,但其肉汁豐腴,十足十係日本食嘅水準! 從活元貝 ($28/隻)嘅光澤就睇得出有幾新鮮! 有清酒、牛油、蒜蓉、明太子等口味選擇, 店家毫不吝嗇擠左一大pat明太子醬~ 明太子微辣惹味,更添鮮味~正! 椒鹽雞軟骨($12) 大大粒,口感爽脆,不錯吃! 最後,我地仲叫左芝士年糕($28)自己燒, 不過真係要好有耐性先燒得好! 為求佢燒得夠均勻,我地起碼反轉5次以上, 識食一定係配煉奶! 地址: 激安燒肉工房 (筲箕灣) 筲箕灣新成街8號新成中心地下F號舖 營業時間: 星期一至日:18:00-2:00