去唔到韓國,就唯有食個韓國菜當去左啦! 上次去過旺角嘅「Outdark」, 覺得幾好食, 而且仲係黃店,唔怪得咁多人支持啦! 所以最好都係book位先~ 呢到嘅裝潢同旺角一樣, 都有一道掛滿色彩繽紛情侶鎖嘅鐵閘, 尤如韓國首爾塔嘅打卡位一樣, 發光嘅星星月亮燈飾在昏暗嘅環境中好有情調 ~ 可能係因為春季嘅關係, 而家仲多左啲櫻花擺設呢~ 芝士條($40) $40有四條,都算合理, 而且即叫即炸,熱辣辣, 未食芝士已經多到要爆出黎, 一咬開便可拉絲, 作為小食或佐酒都一流! 上次食過泡菜煎餅,覺得好出色。 所以今次就試下海鮮煎餅啦! 東萊海鮮煎餅($118) 一睇咁色彩繽紛就知道材料有幾豐富啦! 全個煎餅都係韮菜同大蔥, 仲有好多菜蔬如洋蔥、紅蘿蔔等, 更增添色彩和口感, 當然唔少得海鮮啦! 韓國海鮮煎餅嘅海鮮通常都係八爪魚仔, 味道幾鮮香,份量仲好多, 煎餅切開左9件,件件都有! 豬肉炒粉絲($88) 豬肉份量十足,好足料! 粉絲炒得惹味。 冇食過魚糕,都唔算去過韓國~ 所以今次就叫個串串魚糕湯($198)望梅止渴下~ 自家熬煮嘅高湯,味道好清甜, 配上韓國魚糕,有8串之多, 仲有多款菇菌、菜蔬和烏冬, 兩個人食就啱啱好! 點擊圖片放大 +5 地址: Outdark (尖沙咀) 尖沙咀厚福街8號H8 17樓 營業時間: 星期一至六:17:00-2:00 星期日:17:00-00:00