係匯豐返工嘅朋友話匯豐中心附近開左間港式新派菜—「港原味」, 係佢地平時嘅飯堂, 因為主張無味精,少鹽少油,健康配搭嘅菜式,所以好受OL歡迎, 所以小編咁啱係附近做完嘢就去試下啦! 點擊圖片放大 餐廳外牆全以落地玻璃打造, 感覺開揚光猛,乾淨企理,一覽無遺~ 全店嘅牆壁都畫上充滿香港特色嘅壁畫, 係六七十年代嘅香港街頭舊模樣, 舊式嘅紅巴士、霓虹燈牌和見證住啟德機場嘅九龍城寨, 流露着昔日香港風情~ 除左有傳統嘅中式小菜之外, 仲有加入左西式元素嘅芝士黑松露焗飯, 點擊圖片放大 +2 新張嘅關係, 而家全店做緊9折優惠,外賣更可享有8折呢~ 新張大酬賓嘅關係, 每人都可以有一份水晶肴肉作前菜小食,不錯吃! 我地最後叫餸食飯,order左三個小菜。 每個菜式都奉送白飯一碗, 加$8仲有老火湯。 是日為南瓜花生雞腳湯 橙黃色嘅南瓜湯, 味道香濃鮮甜,感覺足料又冇味精。 西檸雞扒($80) 傳統嘅西檸雞係用炸雞扒, 不過「港原味」推行健康主意, 所以採用煎雞扒,少油少鹽, 連西檸汁都原汁原味,冇加好多糖,比坊間食開嘅更酸香。 椒鹽鮮魷($98) 炸皮唔會太厚,炸得夠香脆, 鮮魷都幾新鮮,口感爽彈。 金銀蛋時菜($65) 上湯有齊皮蛋、咸蛋同蛋花, 芥蘭嘅份量都幾多,又夠鮮嫩爽脆,不錯! 所有餐點都奉送熱飲,凍飲加$3,特飲加$10。 雪山紅豆冰(原價$30) 原來雪山係加鮮忌廉嘅意思~ 紅豆軟腍又不失口感,加上鮮忌廉,更香滑。 地址: 港原味 (大角咀) 大角咀福澤街18號利奧坊地下G701號舖 營業時間: 星期一至日:8:00-22:00