嗜辣嘅foodie一定唔可以錯過! 經朋友介紹得知, 如心酒店集團旗下灣仔薈賢居有間隱世新派fusion川菜—「川流」「Sichuan Lab」, 環境好chill,食物又有水準, 菜式比坊間嘅川菜有驚喜, 真係聞名不如見面! 餐廳隱身於巷仔嘅角落, 外面嘅掛燈令餐廳尤如置身於spotlight底下, 加上餐廳裏面嘅裝潢設計型格簡約,充滿時尚氣息! 牆身掛滿一系列嘅化驗瓶, 瓶中盛着不同香料和來自全球各地罕見嘅辣椒。 同餐廳名「Sichuan Lab」相呼應,好似實驗室咁! 好多款菜式都好吸引, 傳統嘅有,新派又有, 真係令人好花多眼亂, 每一款都好有興趣試! 點擊圖片放大 +6 除咗al la cart, 仲有套餐,二位、四位、六位用都有, 建議第一次嚟食都係食套餐好, 因為可以一次過試晒多款美食! 我地倆口子叫左一個二人套餐, 仲額外加左兩款小食。 每枱都會有四格嘅特色小食, 其中嘅爆谷真係好特別, 甜中帶辣,好開胃。 棒棒雞沙律 Shredded Chicken with fresh vegetables and fruits 口感非常豐富嘅棒棒雞沙律, 麻、辣、酸、甜、鹹、鮮都有, 雞腿肉好嫩滑, 配上香甜嘅火龍果和滑溜粉皮,不錯嘅配搭。 醋椒胡椒羹 Spicy Thick Soup with vinegar and peppers 濃調適中, 用料十足,有鴨血、木耳、豆腐等,口感豐富! 加上以有「胡椒之王」之稱,柬埔寨貢布嘅胡椒調味, 香味複雜並帶有濃郁花香, 微辣而不嗆,味道有層次。 大廚更推薦醋椒胡椒羹搭配胡椒餅一齊食, 可以讓「胡椒之王」縈繞口腔~ 家鄉燻臘肉胡椒餅 Pan-fried Sichuan cured pork patties with peppers 胡椒餅外皮酥脆內軟, 同樣都係採用「胡椒之王」作調味, 加入脂香四溢嘅四川煙燻臘肉和蔥粒等, 層次感十足! 去唔到台灣,就黎食「川流」嘅胡椒餅過下癮先! 蒜苗回鍋肉 Double-cooked local pork slices with garlic sprouts 煎到兩面金黃酥香嘅五花肉, 食落感覺一啲都唔油膩,仲好惹味呀! 水煮白鱸魚獅子頭 Poached spicy Chilean Sea Bass Ball in chili broth 平時獅子頭都係以豬肉做成, 但「川流」則以魚肉做, 真係for the first time in forever! 確實係一個絕妙嘅嘗試!味道好有水準! 外層爽彈, 內層係起骨拆肉嘅鱸魚肉,鮮香滑溜,好有層次, 水煮微辣惹味,必試! 乾煸四季豆 Sautéed string beans with minced beef 看似簡單小菜, 但小編就覺得係食過最出色嘅『乾煸四季豆』! 完全唔油膩,仲好乾爽, 加上四季豆幼嫩爽脆,微辣惹味! 風味擔擔麵 Tan Tan noodles 比起傳統嘅擔擔麵,多左一份香濃嘅辣勁, 嗜辣嘅foodie值得一試! 古方紅糖豆花 Soft bean curd with Sichuan traditional brown sugar 豆花都算滑溜, 不過無乜豆香,可能係因為紅糖味濃, 不過甜嘅嘢食解辣就最啱啦! 都算不錯嘅總結~ 最重要嘅係, 而家凡惠顧《德匠川菜》, 每位都可以獲贈得獎雞尾酒—『舌尖上的花椒』『Pepper on the tongue』一杯, 平時一杯特色雞尾酒都要過百啦,真係好抵呀! 入口清爽,帶花香, 加上花椒嘅點綴, 後勁帶麻香,麻得好過癮! 燈影牛肉 Crispy Paper-thin beef slices ($98) 以本地騸牯黃牛嘅後腿腱切片後風乾, 加入自家製嘅醬油、香料 薄得透光,紋理細緻清晰, 薄薄一片,口感香脆酥化, 香甜中帶肉香,好食! 沖繩黑糖糍粑 Okinawa brown sugar glutinous rice cakes ($78) 可能係小編在香港食過最出色嘅糍粑! 外皮薄而脆,裏面嘅糯米團超軟糯, 煙煙韌韌, 配上黃豆粉和香甜可口嘅沖繩黑糖,超好食! 總括而言, 餐廳由選材和烹調手法都好講究, 每一道菜都別出心裁,風味獨特, 整體水準極高, 而且餐廳裝潢和員工服務,值得推薦! 下次會再黎幫襯! 地址: 川流 (灣仔) 灣仔太和街28號灣仔薈賢居地舖 營業時間: 星期一至五:12:00-23:00 星期六、日、公眾假期:11:00-23:00 網址:lhotelgroup.com/sichuan-lab