曾經風靡一時嘅粗口手工啤酒, 相信至今仍有唔少foodie都會慕名而來~ 小編就係其中之一啦! 串燒最啱就係佐酒啦! 一啖串燒一啖啤酒,食得方便~ 點擊圖片放大 ⭐️推薦❗️川式脆燒雞軟骨($28) 雞軟骨燒得香口,食落乾爽有嚼勁。 鹽燒厚切牛舌($68) 午舌厚切,幾有口感, 不過應該係事先醃過,唔係好原汁原味。 自家製醬汁燒黑豚肉($49) 肉質意料之外嘅軟腍, 缺乏黑豚肉應有嘅爽口口感, 味道一般。 惹味汁燒豬仔髀(兩隻)($59) 最抵食係就係豬仔髀, 唔洗$60有兩隻! 拎住黎食,好方便,佐酒一流! 肉質都算爽滑。 麻吉燒($22) 魚餅包着年糕,食落煙煙韌韌,正! 蒜蓉燒原條茄子($49) 蒜蓉舖滿整條茄子,茄子肉軟綿入味,幾惹味! 日式汁燒娃娃菜($22) 食得出娃娃菜燒之前已經烚過, 外面塗左少許醬汁和灑上孜然粉, 不過唔係好夠入味,有進步嘅空間。 (屌)支裝手工啤酒($78) 唔只係啱男人飲,女人飲完都補身! 雖然唔知東革阿里本身係咩味, 不過飲落去確實有d藥材味,味道偏向甘苦。 (閪)支裝手工啤酒($78) 當歸味突出,甘中帶甜,不錯! 21:30後仲做緊生啤買一送一優惠, 黎食宵夜就啱晒啦! 地址: 串酒里 (尖沙咀) 尖沙咀山林道6號B舖 (漢國中心對面) 營業時間: 星期一至日:18:00-1:00