之前去過銅鑼灣「Casa Pennington 」,覺得相當唔錯! 知道沙田有間同集團Casa Group嘅西餐廳—「Su Casa」, 同小妹公司好近, 就諗住接完小妹放工之後,同佢黎約會下! 「Su Casa」同「Casa Pennington 」走不同路線, 價錢比較相宜, 同樣地有前菜、意大利麵、意大利飯、主菜、甜品, 身為蠔吧,點少得生蠔、海鮮呀! 餐廳同「Casa Pennington 」一樣,都做緊生蠔買一送一優惠,好抵呀! 小編比較鐘意creamy嘅生蠔, 所以就叫左款來自法國嘅Mermaid, $68有兩隻, 生蠔開得好完整, 本身嘅海水都保留住,原汁原味! 中度嘅海水味,甜味回甘,肉質肥美creamy~ 是日餐湯($48)為南瓜湯,入口順滑,不錯! 值得一讚係法包夠熱辣辣,烤得香脆可口嘅! 香煎鴨肝配多士($88) 鴨肝煎至七成熟,入口肥美豐腴, 配上烤得香脆可口嘅多士,正! 菠菜忌廉帶子天使麵($158) 天使麵幼而爽滑, 每一條都沾滿菠菜忌廉汁, 醬汁雖然唔會有濃郁嘅菠菜香, 不過柔和嘅綠色令人覺得食得好健康。 一客有三粒帶子,份量都算合理, 帶子煎香,裏面嘅肉質保持鮮嫩多汁~ 紐西蘭肉眼扒($248) 雖然點左medium rare, 不過就好似熟得濟,只有medium, 看來熟成度需要拿捏得更好! 不過勝在肉香, 旁邊仲有好多新鮮薯菜。 點擊圖片放大 Peach Sobert($68) 原個桃嘅雪葩,清香味美~ 仲送凍/暖嘅菠蘿有機奇亞籽綠茶, 香甜、健康,又有咬口! 點擊圖片放大 +11 地址: Su Casa (沙田) 沙田石門安群街一號京瑞廣場二期地下G03號舖 營業時間: 星期一至日:11:30-22:00