來自黑龍江嘅「湯火功夫」,座落於銅鑼灣, 主打麻辣燙, 麻辣控絕對唔可以錯過! 除了經典麻醬, 為左迎合大眾嘅口味, 首創泰式冬陰功和蕃茄湯底, 仲有無湯嘅經典麻辣拌, 老少咸宜, 不論你食唔食辣,梗有一款啱你口味! 麻辣燙單點$37起, 有30多款素菜、肉類可以揀, 麵底也有8款之多, 不過我見套餐$59起, 包一款麵和四款餸,仲包埋飲品, 價錢都合理。 自家調製嘅麻辣湯底, 加左不少草藥補品, 所以味道比主流麻辣燙溫和少辣, 又唔會過份油膩, 有幾辣,有幾麻都可以自己揀, 小編食開譚字米線嘅小辣, 所以係呢到都嗌左小辣, 諗住試下水溫先, 不過就唔係好夠麻辣, 每張枱都有麻椒油、辣椒油和醋自由添加, 咁樣就想點加都得啦! 薯粉煙煙韌韌,完全吸晒湯底嘅精華,好惹味! 金菇磨、油麥菜、豆卜都係好吸湯嘅配菜, 有正嘅湯底就最啱啦! 滷雞中翼滷得都算入味,不錯! 點擊圖片放大 地址: 湯火功夫麻辣燙 (銅鑼灣) 銅鑼灣謝斐道482號兆安廣場地下4-6號舖 營業時間: 星期一至日:11:00-23:00