之前係銅鑼灣返工, 去過「天天海南雞飯」食過lunch, 覺得唔錯! 去開Fashion Walk剪頭髮, 順便再黎朝個聖。 點擊圖片放大 集新加坡四間米芝蓮推介於一身, 包括天天海南雞飯、老街坊、超好麵和五十年代,菜式多樣化。 蒜泥黑豚($88) 薄薄嘅黑毛豚白肉包住爽脆嘅青瓜, 加上秘製蒜泥醬汁,相當惹味,值得一試! 「天天海南雞飯」顧名思義,最出名梗係食海南雞啦! 天天海南雞(例牌)($158) 嘩,無諗過例牌都咁大份! 雞肉超嫩滑,雞皮爽滑, 肉厚零脂肪,即使係雞胸都絲毫不嚡, 重點係,淋上熱騰騰嘅秘製雞汁,好惹味呀! 仲有清新爽口嘅青瓜條墊底, 可以去一去雞肉嘅膩感。 旁邊配上三款秘製醬汁: 新加坡黑醬油、辣椒醬和蒜醬, 蘸上雞肉更加惹味! 不過其實唔蘸任何醬汁,都夠晒雞味! 食海南雞點少得油飯! 天天石窩雞飯($48) 呢到係一至二人份量, 雖然睇落去好似太多咁, 但我地兩個人食真係啱啱好! 利申小編係一個超級唔鐘意食飯嘅人, 平時都只係食餸only, 不過媽咪話食海南雞,一定要送飯, 所以就係咁樣啦~ 原個石窩上枱, 油飯粒粒分明,散發濃郁香氣,唔會太油膩或太濕,正! 最重要係有個石窩可以保溫, 食海南雞必食! 水煮和牛($148) 水煮牛肉係一道傳統嘅川菜, 無諗過呢到都有得食。 入口香濃麻辣,幾惹味! 水煮牛肉片份量多,肉質嫩滑有嚼勁, 食得出係有質素嘅牛肉,不錯吃! 身為牛油果控嘅小編,梗係唔會錯過牛果奶昔($42) 牛油果香滑無比,奶味香濃,但又唔會蓋過牛油果香,牛油果控必試! 蔗梨薏茶($38) 以甘蔗、雪梨、薏米, 配碧螺春綠茶調成, 大大杯,價錢都算合理, 綠茶香氣幾突出,味道清甜潤喉, 用外賣茶飲杯盛載着, 堂飲飲唔晒,拎住走都得! 天天特式豆腐花 係免費架!正啊! 豆腐花用杏仁來秘製, 質地綿滑,杏仁味重,啱晒媽咪食! 點擊圖片放大 +5 地址: 天天海南雞飯 (銅鑼灣) 銅鑼灣Fashion Walk京士頓街9號H2舖 營業時間: 星期一至日:12:00-15:30,18:00-00:30