兩年前,「回到味來」剛開業嘅時候黎食過火鍋, 當時仲係單點,主打雞煲、海鮮、火鍋, 原來而家已經變左火鍋放題, 仲最平以$98就可以食到火鍋放題, 真係超值! 優惠時段19:00前離座或21:30後入座, 便可以享用最平$98嘅火鍋放題, 仲有兩個升級套餐, 咁當然係越貴包嘅野越多越豐富啦! 食足兩個鐘,想食宵夜嘅foodie又多一個選擇。 其他時段19:00-21:30就每位$188起, 我地揀左最豐富嘅火鍋放題套餐,$248/位: 惡魔雞煲、黃燜雞煲或卜卜蜆煲 火鍋湯底 本地手切牛頸脊 30多款任食串燒 多款任食海鮮串燒 多款任飲飲品 任飲台式飲品 黃燜雞煲 所謂黃燜,其實就係將雞件煎黃,炒完再燜,所以雞件夠香,迫晒d油出黎,唔會太油膩, 肉質不硬不柴,鮮香惹味, 而且雞件份量多,應該有原整一隻雞! 食完雞煲可以轉打邊爐, 有南瓜湯底、清湯、蕃茄湯底等, 我地揀左南瓜湯底, 不過略嫌南瓜味太淡,好稀, 只有數片南瓜係到,又好難越滾越入味。 本地手切牛頸脊 牛頸脊份量都算合理, 油花不多,但勝在肉香有嚼勁。 任食火鍋配料逾60款, 部份火鍋配料可以係自取區自取, 有肥牛、豬豚肉、羊肉卷等肉類, 又有手工餃、丸類如芝士腸、蟹柳等, 仲有炸響鈴、炸魚皮和多款蔬菜等選擇。 點擊圖片放大 30多款任食串燒 有燒賣、蟹籽丸、芝士魚豆腐、墨魚咀、日本甜薯, 好多選擇呀! 海鮮串燒都可以任食! 扇貝、帆立貝 扇貝有好多蒜蓉調味~ 飲品如果汁、汽水, 台式飲品如仙草奶茶、仙草冬瓜茶、奶蓋綠茶等都係任飲架! 點擊圖片放大 地址: 回到味來 (旺角) 旺角彌敦道594-596號旺角新城3樓 營業時間: 星期一至日:17:00-03:00