「隨心」最出名就係海南雞飯、肉骨茶, 咁啱同同事係附近出job, 就帶同事黎試下啦~ 每次黎「隨心」,必食隨心海南雞飯($85) 無骨雞件嫩滑,外皮富彈性, 食落啖啖肉,正! 旁邊附上傳統醬汁:辣醬、甜豉油、薑蓉, 但小編就覺得唔蘸都夠晒味, 因為本身嘅雞件都好鮮味。 油飯散發淡淡香味,但唔會太油膩, 啱晒想食但又唔想肥嘅女士們。 平時坊間嘅海南雞飯都係配冬瓜湯, 但「隨心」配嘅係杞子雞湯,清香美味。 男同事想補補身子,所以就佢飲返碗行氣活血、滋補養生嘅馬來西亞肉骨茶(窩)($98) 馬來西亞與新加坡嘅肉骨茶各有不同特色, 馬來西亞係以多種藥材 : 冬菇、玉竹、黨參、當歸、紅棗、甘草、胡椒等熬製, 散發香濃嘅藥材香! 伴湯而上仲有豬骨,炆煮得軟腍入味, 旁邊附上油炸鬼,浸湯一起吃更添滋味! 亞參鳳梨咕嚕肉($108) 用原個鳳梨殻盛載着,感覺好有排場! 份量十足, 亞參其實即係羅望子,帶點辣, 加入原本酸甜汁內更醒胃, 無骨咕嚕肉肥瘦適中,啖啖肉, 鮮鳳梨香甜多汁~ 點擊圖片放大 +7 地址: 隨心 (鰂魚涌) 鰂魚涌海光街12號地舖 營業時間: 星期一至日:11:00-22:00