係尖沙咀黎講, 「Shine」算係幾有水準嘅西餐廳, 食物保持質素, 環境優雅有情調, 靠窗坐更可飽覽尖沙咀嘅街景~ 點擊圖片放大 「Shine」菜式多樣化, 有沙律、意粉、意大利飯、burger、扒類都有。 而且不定時有新菜式, 不時有不同驚喜~☺️ 點擊圖片放大 +2 香煎太平洋鱸魚配普羅旺斯燉菜 Pan-fried Seabass Steak with ratatouille($268) 鱸魚皮煎得好香脆, 魚肉保持軟嫩多汁,正! 普羅旺斯燉菜其實就係法式雜菜燴, 以新鮮蔬果和普羅旺斯風味嘅香草熬煮而成, 簡單而美味~ 燒西班牙黑毛豬扒配蘋果蓉 Grilled Spanish Iberico Pork Chop with apple sauce ($348) 識食黑毛豬扒,千祈唔好食全熟呀! 味道和口感會更佳, 七成熟就剛剛好!☺️ 黑毛豬扒份量十足,有一個拳頭咁大, 肉質鮮嫩多汁,肉香味美, 配上酸酸甜甜嘅蘋果蓉,一d都唔覺得膩! 點擊圖片放大 Shining Darkness ($88) 餐廳嘅燈光折射,令雞尾酒隨着燈光而變色,不約而同切合左shining嘅主題, 啱晒相機食先! 以黑加侖子所打造嘅darkness, 加上gin、其他liqueur和lime juice, 飲落幾清新,酸酸甜甜,容易入口, 啱晒女士們嘅雞尾酒! 加上熱帶水果口味嘅爆爆珠, 咬開時爆出香甜可口嘅果汁, 好有口感之餘,味道更有層次,不錯啊! 地址: Shine (尖沙咀) 尖沙咀北京道12A號太子集團中心6樓 營業時間: 星期一至日:12:00-23:00