係大坑上完堂, 就同同學一齊係附近搵食~ 大坑浣紗街有好多隱世嘅美食, 我地今次就試下星馬菜館「肉骨皇」啦! 本來無諗過食「臭豆」, 因為個名真係好不吸引~ 不過見老闆娘極力推 薦, 話好有藥用價值,食左對泌尿系統有益, 只係經過消化後, 小便時會聞到一股特殊嘅臭味,故得其名。 所以就即管試下啦! 臭豆參巴煎蛋餅($88) 臭豆其實聞落去唔臭, 煮熟嘅臭豆反而有股獨特香氣和甜味, 食落口感脆嫩, 煎蛋又有香濃嘅蛋香, 不錯吃! 馬來麥皮蝦($128) 用即食甜麥片和蝦一齊炒, 由於麥片本來已經有甜味, 所以蝦唔洗用任何嘅調味,味道已經香甜味美。 菠蘿蝦球炒飯($88) 配料幾豐富,有蝦仁、菠蘿、蛋絲、雜豆等, 菠蘿好香甜,蝦仁幾大隻,又爽彈,不錯吃! 飯粒顔色金黃,但味道略為遜色, 有待改進呢~ 點擊圖片放大 +5 地址: 肉骨皇 (大坑) 大坑浣紗街45號浣紗花園地下1號舖 營業時間: 星期一休息 星期二至日:12:00-15:00,18:00-23:00