又到同小妹嘅紀念日啦! 小妹最鐘意食生蠔同牛扒, 見好多blog都介紹食「Casa Pennington」, 雖然呢到無景, 但食物有質素,尤其係生蠔! 以Fine Dining 黎講,價錢中等,物有所值! 生蠔做緊買一送一優惠,好抵呀! 因為小妹鍾意食比較creamy嘅生蠔, 所以我地叫左三款來自法國嘅! 生蠔開得好完整, 本身嘅海水都保留住,原汁原味! Sorlut (France) 肉質肥美,口感爽脆,味道甘甜, 味道好有層次,有清香甘甜嘅餘韻~ Black Pearl (France) 入口creamy爽滑,海水味適中,回味鮮甜。 Gillardeau (France) 大大隻,蠔肉肥美、結實又有彈性, 有脆口感覺,味道細膩而有層次, 一入口最初係海水味, 之後係香濃嘅蠔味, 最後係緩緩嘅榛子味,徘徊在口腔久久不散, 咀嚼後有股淡淡嘅清香, 尾韻散發着陣陣甘甜! 原本我哋仲想encore生蠔, 不過仲叫左兩道主菜, 所以都係就忍下口先啦! 食生蠔梗係要配白酒啦! 可以提升生蠔鮮味, 我哋試咗店員介紹嘅Sauvignon Blanc, 微甜清爽,配生蠔一流! Dried Fried Crab Cake($178) 蟹餅係呢到嘅招牌菜, 不過而家新菜式轉左炸蟹波~ 其實蟹餅和蟹波嘅分別在於口感, 因為蟹波方便食客分享, 每一個都可以試到炸脆嘅口感! 蟹波新鮮炸起,外皮炸至金黃色, 和乒乓球一樣大小、圓滾滾的, 咬開裏面係一絲絲嘅鮮蟹肉,好足料! 加上少許配料如紅椒以增添口感, 配上自家製紅桑子醬, 微微嘅酸甜,更能突出蟹餅嘅鮮味,值得一試! 點擊圖片放大 Scallop Linguini ($228) 微微煎香嘅北海道帆立貝, 保持原有嘅鮮味和juicy, 扁意粉均勻地沾滿自家製香草汁, 清新得黎,又幾惹味! Australian M5 Wagyu Sirloin Steak($438) 牛扒早已切成條狀, 切面呈誘人嘅酒紅色,肉汁豐盈。 入口細味,肉香濃郁, 旁邊嘅薯菜新鮮、爽脆、多汁! 點擊圖片放大 最後嘅序幕,梗係要點個店招牌甜品 – Pear Tarte Tatin ($168) 上枱時好有驚喜! 雖然無特別order要繪畫係碟上, 但「畫家」做到足, 為我地精心畫左隻meow, 好巧合地又切合我呢個貓奴! 「畫家」仲話可以為食客繪畫不同嘅圖畫, 下次可以帶朋友黎為佢慶生啦! 以原隻香梨焗製,香甜軟腍, 酥皮烤得香脆,帶焦糖香,甜蜜味美! 絕對要食過返尋味! 點擊圖片放大 +2 地址: Casa Pennington (銅鑼灣) 銅鑼灣邊寧頓街13-15號隆堡柏寧頓酒店三樓 營業時間: 星期一至日:12:00-15:00,18:00-00:00