「夏麵館」係小編周不時同屋企人食飯嘅好地方, 因為夠經濟實惠!食物有質素! 仲有二人或四人套餐~ 今次同媽咪兩個人黎食晚餐, 不過二人餐對於我地黎講都太多啦! 所以我地選擇左散叫~ 點擊圖片放大 +5 蔥油開洋(蝦米)拌麵($42) 呢道菜係媽咪指定要點~ 佢話係佢兒時嘅回憶! 麵條爽彈, 配上慢火細熬嘅蔥油, 加上開洋,通常指蝦乾,也就是海米或河蝦曬成嘅干, 簡單又好味嘅拌麵就大功告成了! 食麵配夏味燻蛋($13),一流! 係小編每次必食! 用茶葉、冰糖和白米煙燻, 半熟,質地細滑,帶微微嘅煙燻香~ 鮮肉小籠包(4隻)($38) 雖然皮不算十分薄, 但又不算太厚,算是適中吧! 鮮肉餡多汁,不錯吃! 酸辣湯($30/位) 口感好濃調, 都幾多配料,有豆腐、筍絲、冬菇等, 微酸少辣,幾惹味! 黑醋話梅骨($78) 見到係新菜式,所以就試下啦! 黑醋話梅汁酸酸甜甜, 開胃又讓人吃不停口, 大人小朋友都啱食! 貓山王榴槤高力($25) 又踏入榴槤旺季, 咁榴槤高力就啱晒榴槤迷啦! 榴槤高力由馬來西亞直送貓山王榴槤果肉新鮮製成, 榴槤味道甘香可口, 蛋白高力外皮鬆軟,層次感豐富! 地址: 夏麵館 (太子) 太子彌敦道750號始創中心1樓115C號舖