作為餃子控嘅小編, 知道「餃掂手工餃子雲吞專門店」(下稱「餃掂」)終於係港島區開左分店, 就帶同樣係餃子控嘅小妹一齊黎食啦! 點擊圖片放大 「餃掂」有多款蒸餃和煎餃, 傳統餃子如韮菜、大白菜、雲耳椰菜、粟米豬肉, 創新餃子如松茸餃、芝士餃都有。 點擊圖片放大 +7 店家還特調不少秘製醬汁, 菜甫豆豉醬惹味,香辣醬微辣,用嚟配麵或餃子都一流! 想一次過試晒黑松露和白松露兩款餃子, 一定要試下龍鳳松茸雙灼餃(跟湯)($85/8隻), 可以一次過滿足兩個願望! 餃子皮薄餡靚, 每隻都脹卜卜,可見餡料十足! 黑松露幽香,和梅頭豬肉很夾,鮮甜味美, 白松露小編就比較少食, 感覺相對地比黑松露更柔和,但菌香依舊突出, 矜貴嘅松茸更有促進免疫力和改善身體機能嘅保健功用,好正呀! 小編覺得松茸餃子更適合白灼, 原汁原味,少了油煎嘅膩感, 更能突顯出餃子皮嘅韌性和松茸嘅菌香! 隨龍鳳松茸餃會附送一碗狀元九鼎湯, 店家註明沿用古法煲製,不含味精, 以粉葛、紅蘿蔔、赤小豆、扁豆、蜜棗、新會陳皮、鮮排骨和鯪魚、鰂魚等材料熬製而成, 湯汁色澤醇厚,不泛半點油光, 散發着陣陣嘅粉葛香, 啖啖魚鮮,清甜甘香, 啱晒平時缺乏湯水嘅上班族! 香煎軟心芝士餃($58) 餃子外皮煎至金黃, 滿滿香軟既芝士,有拉絲感, 加上粟米和豬肉,幾好食喎! 芝士控嘅吃貨不妨一試! 蜜餞雞翼(大)($30) 雞翼被醬汁包起來,味道香甜可口, 開邊了嘅雞翼吃起來更方便! 黃金原味皮蛋($28) 棄用鴨蛋用雞蛋做成嘅皮蛋, 蛋白位晶瑩剔透,蛋白爽彈, 溏心蛋黃不過膩,不錯吃! 自家製山楂雪梨水($20/杯) 山楂中嘅微酸和雪梨嘅清甜匹配, 酸甜開胃。 地址: 餃掂手工餃子雲吞專門店 (灣仔) 灣仔莊士敦道44號地下 營業時間: 星期一至日:11:00-23:00