食盡各大雞煲、火鍋嘅小編, 知道油麻地開左間集雞煲、海鮮、火鍋於一身嘅私房菜— 「回到味來」, 梗係要黎試下啦! 餐廳裝潢較傳統火鍋店時尚, 大部分都係卡座位,坐得舒適。 未叫火鍋之前, 先上個自家製涼菜—酸辣藕帶, 藕帶中間嘅細孔,滿滿浸潤汁液, 一口咬下去,酸辣香甜,清爽脆嫩,好開胃! 打邊爐先混個醬, 基本嘅生蒜、炸蒜、香蔥、芫荽、唐芹、辣椒都有。 雖然見好多食客都黎食招牌麻辣雞煲, 不過其實仲有多款火鍋可選擇, 黎得呢到,梗係要試下藥膳湯底結合出黎嘅火鍋啦! 招牌藥膳紅燒牛肉($168) 用上當歸、杜仲、川芎、枸杞等的藥材, 香濃而不油,沒有半點苦澀味, 配上特選牛肋條,炆煮至腍身,吸晒湯汁嘅精華, 無諗過味道竟然可以咁夾,真係好好食喎! 而且份量超多, 兩個人食嘅話,叫多兩三個配料就夠啦! 火鍋配料多樣化, 肉類、海產、蔬菜、丸類、餃子、粉麵等樣樣齊。 手工餃拼盤($46) 賣相非常精緻餃子, 用酒樽造型嘅器皿盛載着, 未食已經覺得好吸引~ 菜肉餃, 韭菜餃,鮮蝦雲吞, 一睇就知皮薄餡靚, 從薄薄的外皮已經見到嫩綠色的韭菜係飽滿的餃子裡面,正! 油麥菜($28)用造型可愛嘅鴨仔籃盛載着, 雖然只係簡單嘅配料, 但見到咁可愛嘅鴨仔都特別賞心悅目, 而且份量都幾足,又夠新鮮爽脆。 雪花肥牛($168) 雪花般的肥牛片油花均勻, 肉質鮮嫩,肉味濃郁! 地址: 回到味來 (旺角) 旺角彌敦道594-596號旺角新城3樓 營業時間: 星期一至日:17:00-03:00