一講起韓式燒肉放題, 不得不提放題始祖—「漢xx」嘅韓國料理, 雖然好多放題質素參差, 但任飲任食確實有一定市場! 小編之前試過多次韓燒中伏, 自此之後,食韓燒成日都要捱貴,要去單點嘅韓國餐廳, 但今次終於搵到間值回票價嘅韓燒放題啦! 在尖沙咀金巴利道的角落, 有家「高麗軒韓國料理」, 晚上6點入座定價為$218/位, 9點後優惠時段為$198/位, 3人或以下用餐1.5小時,4人以上用餐2小時。 餐廳門面裝潢簡樸, 裏面則比想像中寬敞,全部都是卡座位, 空間感十足~ 平日晚上座無虛席, 除本地人外,還有不少遊客幫襯, 看來相當受歡迎呢! 小編建議提早訂座, 如果唔係就要等一陣位啦! 這裏是寫紙仔下單的, 雖然沒有正式嘅點菜紙, 但仍然要讚一讚上菜準確迅速! 韓國燒肉嘅種類和料理多樣化, 各部位嘅牛肉、豬肉和海鮮都有; 熟食料理也有很多, 有煎餅、炒年糕、湯品、一品料理、石頭鍋飯等~ 點擊圖片放大 +3 如果想食更多更好質素嘅肉類和海鮮, 不妨加$38升級享受, 因為質素真的非當不錯, 推介皇者牛排骨、特級牛頸肉、熊本霜降和牛、帆立貝和紅炆牛肋骨! (差不多全部都想推薦!) 上菜前先上傳統韓式小碟: 泡菜、菠菜、芽菜、醃蘿蔔、豆角、青瓜, 沒想過前菜都相當有水準呢! 皇者牛排骨 原塊嘅重量級牛排骨切至細片, 脂肪分佈均勻, 肉味豐腴,爽嫩多汁! 熊本霜降和牛 雲石般細緻的油花紋理, 筋肉間帶呈網狀的細小脂肪, 肉香軟嫩,入口即溶~ 法式羊架 經調味過嘅羊架, 半點羊羶味也沒有,肉質鮮美多汁,不錯吃! 想一次過試晒所有海鮮, 就一定要點烤什錦海鮮拼盤, 每款試少少,才重點出擊, 點擊圖片放大 推薦帆立貝、海虎蝦, 原隻帆立貝連殼上, 用蒜蓉醃過,夠晒惹味,肉質彈牙, 一定要重點進擊帆立貝,最正! 海虎蝦個子都算大,肉質都算爽彈,不錯吃! 帶子鮮味彈牙, 不過相比起帆立貝,當然有點遜色啦。 牛脷 牛脷厚薄均一,肉質爽彈。 肉眼扒大大塊, 肉質比較軟腍多汁,脂肪分佈平均。 牛仔骨肉香十足,肉質爽嫩! 食韓式燒肉, 當然少不了生菜和麵鼓醬, 用生菜來包住啖啖肉, 感覺無咁油膩,同比較健康。 如果有埋蒜片就更好啦~ 多春魚 燒多春魚是很需要技巧的, 最重要是不要太大火,慢慢燒就好~ 燒到脹卜卜就食得啦! 多春魚新鮮,魚春卜卜脆,好食! 什錦蔬菜 有雞脾菇、翠肉瓜、茄子、洋蔥, 全部都幾新鮮, 不過如果有得分開點會更好, 因為小編我就不太愛吃洋蔥。 平時放題會忽略了一品料理嘅烹調, 但這裏嘅紅炆牛肋骨拍得住韓國餐廳嘅料理, 牛肋骨炆得軟腍入味, 蘿蔔炆得夠腍,吸盡了湯底嘅精華, 意想不到嘅美味! 湯品類還有人參雞湯、牛尾湯、泡菜湯等十多款,選擇都幾多樣化~ 豆腐辣湯 豆腐軟嫩, 雞蛋七成熟,仲有蛋汁係裏面, 其他配料如翠肉瓜都幾入味, 辣湯微辣惹味! 任飲飲品方面有汽水、韓式飲品和康師傅系列, 啤酒、特飲則需額外收費, 不過食韓國野點可以唔飲燒酒呢? 點擊圖片放大 整體來說, 「高麗軒」嘅食物質素相當不錯, 價格便宜,性價比高, 以後韓國燒肉放題終於有好選擇啦! 地址: 高麗軒韓國料理 (尖沙咀) 尖沙咀金巴利道46-48號地庫 營業時間: 星期一至四:11:30-15:30,17:30-23:00 星期五至日:11:30-15:30,17:30-00:00