來自韓國嘅「Mad for Garlic」, 小編週不時都會同小妹、朋友、同事一齊黎, 因為環境優雅,坐得舒適,係一個談天說地嘅好地方,價錢又合理。 餐廳裝潢像歐陸風的酒窖, 牆身和天花都鋪上磚瓦, 加上幽暗神秘的燈光, 摩登得黎又不失浪漫~ 菜式方面, 主打韓國和意大利的fusion菜, 用韓國食材配合意式煮法, 由頭盤到甜品, 近九成半菜式都離不開蒜頭。 點擊圖片放大 +5 而家仲有set menu添, 6點前離座仲有8折優惠呢! 鐘意食蒜蓉包嘅你,千萬不要錯過鎮店之寶Garlic Bread Tower MGF特色蒜蓉包塔($48) 造型和賣相都相當獨特, 法包上鋪滿生蒜蓉,焗至香脆,最後撒上紅椒粉調味, 就變成一座高高嘅蒜蓉包塔啦~ 店員會將生蒜全部塞入法包裏面, 香脆嘅法包加上生蒜,超正! 點擊圖片放大 Garlic Foryou Steak烤澳洲牛柳配原個醋漬蒜頭及秘方MFG甜香汁($238) 肉質鮮嫩嘅澳洲牛柳, 配上原個醋漬蒜頭,辛香清甜, 牛柳medium rare,切開仍然見嫣紅色,還有血水滲出來,肉味十足~ 伴以用韓國醋和蜜糖煮成的醬汁一起吃,香甜惹味。 配菜還有青紅椒、洋蔥和蘑菇,不錯嘅配搭! 點擊圖片放大 Tropical Fruit Tea($58) 有三種口味嘅茶底可以揀:青蘋果、芒果、桃, 我地揀左桃,入口香甜可口, 用時令水果浸泡着,味道更refreshing 呢! 之前已經覺得呢到嘅酒品真係好抵飲, 連happy hour都唔洗等, 最平$45就有交易! 不過小編次次都要飲Long Island($58) 因為平時去酒吧飲要$80起一杯, 但呢到嘅cocktail大大杯,酒份量足,正! 地址: Mad for Garlic (銅鑼灣) 銅鑼灣勿地臣街1號時代廣場食通天11樓1104號舖 營業時間: 星期一至日:11:00-23:00