牛油果控嘅我平時食咩沙律、飲品, 一見到有牛油果就會order。 所以知道灣仔開左一家間用牛油果黎拉花嘅咖啡店—「Athletic Juice & Espresso Bar」, 就一直心絲絲好想試! Avolatte($48) 原隻牛油果即叫即開, 挖空果肉後,注入House Blend咖啡,再以牛奶拉花,係Tulip呀! 我見每一杯都拉到花, 咖啡師功架相當到家呢! 最後用牛油果肉壓成蓉來固定牛油果底部, 仲可以食埋tim! 睇得,飲得,又食得! 至於飲法則隨個人喜好, 一邊飲Latte一邊挖果肉食得, 飲完咖啡再慢慢嘆牛油果都得, 小編就覺得先食牛油果會好d, 因為唔會影響左牛油果完熟嘅味道, 之後再試一路飲一路食,又係另一番口感! 除了招牌牛油果latte art—Avolatte之外, 仲有健康即榨果汁、Smoothies、輕食等。 點擊圖片放大 +2 Swimmer Splash($55) 用左蘋果、藍莓、士多啤梨等水果即叫即打, 果香十足, 加上保留了水果嘅外皮纖維,口感更有層次, 又有抗養化功效,啱晒愛靚嘅女士, 可能是小編飲過嘅鮮榨果汁中最好飲der~ 呢到仲有不少自家製Pastries呢! Banana Bread係超受歡迎嘅一款, 不過小編梗係食我最喜愛Chocolate Brownie啦! 仲要係Glutan free 架! Brownie外皮烤得香脆, 但無諗過裏面呈半熟流心狀態, 朱古力軟心超正, 濃郁香醇嘅朱古力,又唔會死甜味或過甜, 講起都流晒口水…… 餐廳更祟尚健康, 有Detox Water比食客免費飲用, 自攜杯Take away都得! 有良心老闆,真係要比個like 值得一提的是, 每杯飲品都可以草印仔, 草夠十個就可獲一杯免費, 仲有一至日嘅優惠券,抵呀! 地址: Athletic Juice & Espresso Bar (灣仔) 灣仔灣仔星街2E號地下 營業時間: 星期一至五:07:00-19:00 星期六、日:07:00-19:30