之前去過「FRITES」嘅銅鑼灣分店, 覺得呢到嘅青口幾好食, 所以今次就黎食過返尋味~ 鰂魚涌嘅裝潢同銅鑼灣的大致相約, 仿照傳統比利時啤酒屋嘅設計, 天花板挑高, 配置木製餐桌和彩繪玻璃窗,環境優雅! 沒有了半開放式廚房, 倒是有一個好chill嘅酒廊! 餐牌都是印在墊枱紙上, 全部都是比利時菜,選擇多樣化, 除了主打菜青口鍋外, 還有意大利麵、意大利飯、鹹豬手、漢堡包、烤雞和羊架等。 上次試過Crab Tia,覺得超好食, 今次就試下另一道招牌菜啦—Steak Tartare($185) 牛肉他他上有一個金黃色嘅生蛋黃, 未食已經覺得好嫩滑~ 新鮮牛肉他他,加上鮮磨黑胡椒、鹽、香草等調味, 食之前把蛋黃和牛肉混合, 肉質更細嫩幼滑, 肉香十足,食落完全唔覺腥,易入口, 伴以烤得香脆嘅多士一起吃, 口感更豐富呢! 一定要番點餐廳招牌菜Mussel Pots(0.5kg $245、1kg $395) 0.5kg兩個人食,就剛好了! Frites House Mussels(1/2 kg)($245) 原鍋上枱,相當有睇頭~ 整個鍋都滿滿盛載着青口,份量十足! 青口個子都算大, 肉質軟嫩,散發着清新的海水味, 配上以蕃茄、蒜蓉和洋蔥等配料烹煮得惹味的忌廉汁, 不論是青口,還是蘸麵包都相當美味! 除了香脆麵包外,還附上薯條呢! 幼身薯條新鮮熱辣,炸至金黃色,香脆可口, 配上簡單的蛋黃醬都夠晒美味! 750g Roasted Pork Knuckle ($245) 真係好大份呀~ 豬手預先起肉,食起黎好方便, 啱晒我呢d懶人! 豬手外皮烤得香脆, 裏面嘅肉質保持嫩滑多汁, 配菜薯菜爽脆得黎,又不失口感,不錯吃! 食豬手,梗係要配返杯啤酒! 值得一提是下午3時至8時係Happy Hour, 大部分酒類、mocktails都享有半價優惠, 所以我地就把握機會~ 去得比利時餐廳梗係要飲返杯地道嘅啤酒啦! Hoegaarden Forbidden Fruit(HH$50 NH$100) 以比利時啤酒來說,是屬於比較甜、易入口, 酒味芳醇,帶有濃烈的杏桃香和咖啡味, 誘人嘅芳香令人無法拒絕, 難怪叫做「禁果」啦! 值得一提嘅係, 原來逢星期一都係all you can eat mussels, 每人只係$195, 就可以任食青口,好抵食呀! 下次一定要試下! 地址: FRITES Belgium on Tap (鰂魚涌) 鰂魚涌太古坊英皇道979號濠豐大廈地下 營業時間: 星期一至日:11:45-23:30