小妹和小編就最嗜辣架啦~ 幾年前「渝味曉宇」初抵港時, 剛被中國電視節目«舌尖上的中國2»選為重慶火鍋代表, 我地第一時間book枱, 當時要早一個月book,人氣爆燈! 之前去過灣仔分店, 今次終於book到銅鑼灣總店啦! 餐廳裝潢簡約企理,環境舒適, 有不少靠窗座位,可飽覽銅鑼灣嘅街景。 甫入座, 店員便奉上免費嘅冰糖雪耳糖水先滋潤腸胃, 再食麻辣火鍋, 這樣就可減低麻辣對腸胃嘅刺激, Soooo sweet~ 湯底是任選der~ 位位$38,好平呀, 一個人黎食都覺得抵! 湯底主要有兩款: 九宮格麻辣大紅鍋或鴛鴦鍋, 我們選了鴛鴦鍋, 因為一次過我可試晒兩種口味~ 大紅鍋即麻辣湯底, 另外有湯底5款可選擇:大骨滋補湯、蕃茄魚頭湯、山珍菌湯鍋、特色香果鍋、皮蛋香菜鍋, 大紅鍋浸滿紅通通嘅辣椒,麻辣惹味, 山珍菌湯清甜, 清清地,用來中和下麻辣湯底就最啱! 食重慶火鍋,梗係要混個醬先~ 正宗嘅做法會先倒滿1/3碗秘製香蒜麻油, 再按個人喜好加入豉油、生蒜、香醋和香蔥, 味道清香, 這樣蘸起來吃既麻且香,又不失火鍋配料嘅原味~ 「渝味曉宇」嘅招牌孝禹十味, 是10款重慶地道嘅火鍋配料, 《舌尖》推介嘅冰鎮稻田毛肚和鮮黃喉, 另外還有鮮鵝腸、大刀牛肝、曉宇嫩牛肉、耗兒魚、曉宇苕粉、現炸豆皮、現炸酥肉和紅糖糍粑。 點擊圖片放大 每枱必點嘅冰鎮稻田毛肚($108/份) 薄而大嘅上好葉瓣, 上枱時以冰鎮保持新鮮, 在滾燙的紅湯中汆燙後,吸盡麻辣湯汁, 質感爽脆又不失韌度,正! 曉宇嫩牛肉($78/份) 本地嘅新鮮牛肉,肉質腍滑超嫩, 鍾意食滑牛肉嘅小妹食到停唔到口~ 曉宇苕粉($48/份) 晶瑩剔透嘅紅薯粉, 煙煙韌韌,久浸而不斷, 掛湯吸湯一流! 重慶炸酥肉($58/份) 炸至金黃色嘅五花腩, 外層酥脆,裏面則保留肉香軟熟, 即食係最好味道! 小妹最喜歡吃紅糖糍粑($68/份), 每次食重慶火鍋,總是嚷著一定要點,一定要點,一定要點! 紅糖糍粑半煎半炸至外脆內軟, 蘸上特別多嘅紅糖汁一定吃, 香甜軟糯,yumyumyum~ 除左10道嘅招牌配料, 不得不試美國安格斯優質肥牛($198/份), 足足有20片之多, 雪花般的肥牛片細緻油花均勻分佈, 肉質鮮嫩,肉味濃郁, 牛魔王不可錯過呀! 食麻辣火鍋,最怕就係上火。 飲返杯清熱解暑嘅洛神花茶($18/杯)就最啱啦! 自家製,酸酸甜甜,夠晒健康! 以後想食正宗重慶麻辣火鍋? 唔洗下下北上,香港都食到啦! 地址: 渝味曉宇重慶老火鍋 (銅鑼灣) 銅鑼灣渣甸街50號渣甸中心8樓 營業時間: 星期一至日:12:00-16:00,17:30-00:00